ରାଉରକେଲା: ରବିବାର ଦିନ କୋରୋନା କଟକଣାକୁ ନଜରରେ ରଖି ରାଉରକେଲା ସହରରେ ସଟଡାଉନ ନିୟମ ଜାରି ରହିଛି । ମାତ୍ର ଏହି ମଉକାରେ ସକ୍ରିୟ ହୋଇଛନ୍ତି ମଦ ଦଲାଲୀ । ଡେଲି ମାର୍କେଟ ଅଞ୍ଚଳର ଏକ ହୋଟେଲ୍ ରୁ ବିପୁଳ ପରିମାଣର ବିଦେଶୀ ମଦ ଜବତ କରାଯାଇଛି ।
ସଟଡାଉନରେ 79 ବୋତଲ ବିଦେଶୀ ମଦ ଜବତ
ଶନିବାର , ରବିବାର ଦୁଇଦିନ ରାଉରକେଲାରେ ସଟଡାଉନ ଚାଲୁଥିବାରୁ ଅସାଧୁ ମଦ ବ୍ୟବସାୟୀ ମାନେ ବେଆଇନ ଭାବେ ମଦ ଗଚ୍ଛିତ ରଖି ବିକ୍ରି କରୁଛନ୍ତି । ଏବାବଦରେ ପ୍ଲାଣ୍ଟ ସାଇଟ ଥାନା ପୋଲିସ ଖବର ପାଇବା ପରେ ଡେଲି ମାର୍କେଟ ପରିବା ମଣ୍ଡି ପାଖରେ ଥିବା ଏକ ହୋଟେଲ ଉପରେ ଚଢ଼ାଉ କରିଥିଲା। ସେଠାରୁ 79 ବୋତଲ ବିଦେଶୀ ମଦ ଜବତ କରାଯାଇଛି ।