ରାଜଗାଙ୍ଗପୁର ଠାରେ ମାଲଗାଡିର 4ବଗି ଲାଇନଚ୍ୟୁତ

ରାଜଗାଙ୍ଗପୁର ଷ୍ଟେସନ ନିକଟରେ ମାଲବାହୀ ଟ୍ରେନ ଓଲଟି ପଡିଛି। ତେବେ ମାଲଗାଡି ଦୁର୍ଘଟଣା ଯୋଗୁଁ ବନ୍ଦ ରହିଛି ଫାଟକ।

ରାଉରକେଲା: ରାଜଗାଙ୍ଗପୁରରେ ଶନିବାର ଏକ ମାଲଗାଡିର 4ଟି ବଗି ଲାଇନଚ୍ୟୁତ ହୋଇ ଓଲଟି ପଡିଛି । ଫଳରେ 2ଟି ରେଲୱେ ଟ୍ରାକ ପ୍ରଭାବିତ ହୋଇଛି । ତେବେ ବନ୍ଧମୁଣ୍ଡାରୁ ଟ୍ରେନ ଲାଇନ ଠିକ କରିବା ପାଇଁ ରେଲଓ୍ବେ କର୍ମଚାରୀ ପହଞ୍ଚିବା ପରେ ଏହାର ମରାମତି କାମ ଆରମ୍ଭ ହେବ ।

ସୂଚନାଥାଉକି, ରାଜଗାଙ୍ଗପୁର ଷ୍ଟେସନ ନିକଟରେ ମାଲବାହୀ ଟ୍ରେନ ଓଲଟି ପଡିଛି। ତେବେ ମାଲଗାଡି ଦୁର୍ଘଟଣା ଯୋଗୁଁ ବନ୍ଦ ରହିଛି ଫାଟକ। ଯାହାଦ୍ବାରା ଲୋକଙ୍କୁ ବହୁତ ଅସୁବିଧାର ସମ୍ମୁଖୀନ ହେବାକୁ ପଡୁଛି। ଦିନ ପ୍ରାୟ 12.10ରେ ଏହି ଦୁର୍ଘଟଣା ଘଟିଛି । ତେବେ ଦୁର୍ଘଟଣାର କାରଣ ସ୍ପଷ୍ଟ ହୋଇ ନାହିଁ ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ