ଓଲଟିଲା ବରାଳଦେବୀ ବସ, 15 ଆହତ

ଭାରସାମ୍ୟ ହରାଇ ଓଲଟିଲା ବରାଳଦେବୀ ବସ । 15 ଯାତ୍ରୀ ଆହତ ହୋଇଥିବା ବେଳେ ସମସ୍ତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି କୁତ୍ରା ଥାନା ପୋଲିସ ।

ରାଉରକେଲା: ରାଉରକେଲାରୁ ବ୍ରହ୍ମପୁର ଯାଉଥିବା ଘରୋଇ ଯାତ୍ରୀବାହୀ ବସ ‘ବରାଳଦେବୀ’ ଭାରସାମ୍ୟ ହରାଇ ରାସ୍ତାରେ ଓଲଟି ପଡ଼ିଛି। ଫଳରେ ୧୫ରୁ ଅଧିକ ଯାତ୍ରୀ ଆହତ ହୋଇଥିବା ସୂଚନା ମିଳିଛି। ସମସ୍ତଙ୍କୁ ଉଦ୍ଧାର କରାଯାଇ କୁତ୍ରା ମେଡିକାଲରେ ଭର୍ତ୍ତି କରାଯାଇଛି।

ବରାଳଦେବୀ ବସଟି ସନ୍ଧ୍ୟା 5ଟା 45 ମିନିଟ୍‌ରେ ରାଉରକେଲା ଛାଡ଼ିଥିଲା । ବସ ଭିତରେ 45 ଜଣ ଯାତ୍ରୀ ଥିଲେ। ତେବେ କୁତ୍ରା ବ୍ଲକ ଦେଇ ଯାଇଥିବା ବିଜୁ ଏକ୍ସପ୍ରେସ୍‌ ୱେ’ ବିରିଙ୍ଗିଟୋଲାର ଠାରେ ବସ ସାମ୍ନାକୁ ଏକ ବାଇକ ଚାଲି ଆସି ହଠାତ ବ୍ରେକ ଲଗାଇବା ଫଳରେ ବସଟି ଭାରସାମ୍ୟ ହରାଇ ଓଲଟି ପଡିଥିଲା । ଫଳରେ 15 ଜଣ ଯାତ୍ରୀ ଆହତ ହୋଇଥିଲେ। ଖବର ପାଇ କୁତ୍ରା ଥାନା ପୋଲିସ ଓ ଦମକଳବାହିନୀ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ