ପୁରୀ: ଆଜି (ଶନିବାର) ପୁରୀ ଜିଲ୍ଲା ସୁଆଣ୍ଡୋ (ଉତ୍କଳମଣି ଗୋପବନ୍ଧୁ ଦାସଙ୍କ ଜନ୍ମ ସ୍ଥାନ) ଗସ୍ତରେ 5T ସଚିବ ଭିକେ ପାଣ୍ଡିଆନ । ସୁଆଣ୍ଡୋରେ ଚାଲିଥିବା ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିଛନ୍ତି ।
ସୁଆଣ୍ଡୋରେ 5T ସଚିବ, ବିଭିନ୍ନ ଉନ୍ନୟନ ମୂଳକ କାର୍ଯ୍ୟର କଲେ ସମୀକ୍ଷା
ଉତ୍କଳମଣି ଗୋପବନ୍ଧୁ ଦାସଙ୍କ ଜନ୍ମ ପୀଠ ପୁରୀ ସତ୍ୟବାଦୀର ସୁଆଣ୍ଡୋ ଗ୍ରାମକୁ 5T ସଚିବ ଭିକେ ପାଣ୍ଡିଆନ ଗସ୍ତ କରିଛନ୍ତି । ପୀଠର ବିକାଶ ନିମନ୍ତେ କରାଯାଉଥିବା କାର୍ଯ୍ୟ ବୁଲି ଦେଖିବା ସହିତ ସେଠାକାର ସ୍ଥିତି ସମୀକ୍ଷା କରିଛନ୍ତି । ସୁଆଣ୍ଡୋ ଗ୍ରାମରେ ଥିବା ଶିବ ମନ୍ଦିର,2ଟି ପୋଖରୀ,ପୈତୃକ ବାସଗୃହ, ଗ୍ରାମକୁ ରାସ୍ତା, ପାର୍କ କାର୍ଯ୍ୟର ବିକାଶ କରାଯାଉଛି । ଏହି ସମସ୍ତ କାର୍ଯ୍ୟ ପାଇଁ 24 କୋଟି ଟଙ୍କା ବଜେଟ କରାଯାଇଛି ।