ପୁରୀ: ଜମିଜମା ମାମଲାରେ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରିଲେ ଅଞ୍ଚଳବାସୀ । ପୁରୀ ଜିଲ୍ଲା ସଦର ବ୍ଲକ୍ ଅଧିନ ଗଡ଼ମୃଗଶିରା ପଞ୍ଚାୟତର ସୁନ୍ଦର ଗ୍ରାମବାସୀ ଜମିଜମା ଘଟଣାରେ ସମସ୍ୟା ନେଇ ରାଜରାସ୍ତାକୁ ଓହ୍ଲାଇଛନ୍ତି । ଗ୍ରାମବାସୀଙ୍କ ଅଭିଯୋଗ ଅନୁସାରେ ସଦର ବ୍ଳକ ଅଧିନ ସୁଦର ଗ୍ରାମରେ ଶ୍ରୀମନ୍ଦିର ପ୍ରଶାସନର ଅନେକ ଅନାବାଦି ଓ ଗୋଚର ଜମି ଥିବାବେଳେ ଆଜିକୁ ଦୀର୍ଘ 50 ବର୍ଷ ହେବ ଉକ୍ତ ଜମିରେ ଗ୍ରାମବାସୀ ବସବାସ କରୁଛନ୍ତି । ତେବେ ଏଥିପାଇଁ ସେମାନେ ଶ୍ରୀମନ୍ଦିର ପ୍ରଶାସନକୁ ଖଜଣା ମଧ୍ୟ ଦେଉଛନ୍ତି ।
ଭୂମିହୀନଙ୍କୁ ସୁରକ୍ଷା ପ୍ରଦାନ ଦାବିରେ ଜିଲ୍ଲାପାଳଙ୍କୁ ଗ୍ରାମବାସୀଙ୍କ ଦାବିପତ୍ର
କିନ୍ତୁ ଗତ କିଛିଦିନ ହେବ ସେହି ଗ୍ରାମର କିଛି ଗୁଣ୍ଡା ଶ୍ରେଣୀୟ ବ୍ୟକ୍ତି କିଛି ଗରିବ ଲୋକଙ୍କ ଠାରୁ ଜୋର ଜବରଦସ୍ତ ଖଜଣା ଟଙ୍କା ଆଦାୟ କରୁଛନ୍ତି । ଆଉ ଏନେଇ ପ୍ରତିବାଦ କଲେ ଲୋକମାନଙ୍କୁ ଆକ୍ରମଣ କରୁଛନ୍ତି ।