ପୁରୀ: ପଞ୍ଚଭୂତରେ ବିଲୀନ ହେଲେ ଭାରତୀୟ ନୌସେନାର ଭାଇସ ଆଡମିରାଲ ଶ୍ରୀହରିଲାଲ ଶର୍ମା । ସ୍ବର୍ଗତ ଶର୍ମାଙ୍କ ପାର୍ଥିବ ଶରୀର ମଙ୍ଗଳବାର ପୁରୀ ସ୍ବର୍ଗଦ୍ବାରରେ ପହଞ୍ଚିଲା । ଏସ୍ ଏଚ୍ ଶର୍ମାଙ୍କ ଶେଷକୃତ୍ୟ ପାଇଁ ସ୍ବର୍ଗଦ୍ବାରରେ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି କରାଯାଇଥିଲା । ନୌସେନା ପକ୍ଷରୁ ତାଙ୍କୁ ତୋପ ସଲାମି ସହ ଜିଲ୍ଲା ପୋଲିସ ପକ୍ଷରୁ ଗାର୍ଡ ଅଫ୍ ହନର ଦିଆଯାଇଥିଲା ।
ଭାରତୀୟ ନୌସେନାର ଭାଇସ ଆଡମିରାଲ ଶ୍ରୀହରିଲାଲ ଶର୍ମା ପଞ୍ଚଭୂତରେ ବିଲୀନ
ସ୍ବର୍ଗତ ଶର୍ମାଙ୍କ ସୁପୁତ୍ର କ୍ୟାପଟେନ ନବୀନ ଶର୍ମା ମୁଖାଗ୍ନୀ ଦେଇଥିଲେ । ଅନେକ ପୂର୍ବତନ ନାଭାଲ କମାଣ୍ଡର, ଅଧିକାରୀଙ୍କ ସହ ଜିଲ୍ଲା ପ୍ରଶାସନର ଅଧିକାରୀମାନେ ସ୍ବର୍ଗଦ୍ବାରରେ ପହଞ୍ଚି ଶ୍ରୀହରିଲାଲ ଶର୍ମାଙ୍କ ଶେଷ ଦର୍ଶନ କରିଥିଲେ।