ପୁରୀ: ସବୁ ସେଇ ପ୍ରଭୁଙ୍କର ଇଚ୍ଛା । ଲୀଳାମୟଙ୍କ ବିଚିତ୍ର ଲୀଳା । ଶୁକ୍ରବାର ବଡ଼ଦାଣ୍ଡରେ ସୃଷ୍ଟି ହୋଇଥିଲା ବିଶାଳ ଜନ ସମୁଦ୍ର । ଶ୍ରଦ୍ଧା ଓ ଭକ୍ତିର ସହ ସମସ୍ତେ ତିନି ରଥକୁ ଟାଣି ଆଣି ସିଂହଦ୍ବାର ସମ୍ମୁଖରେ ପହଞ୍ଚାଇଛନ୍ତି । ସଅଳ ଶେଷ ହୋଇଛି ବାହୁଡା ଯାତ୍ରା । ସମସ୍ତ ନୀତିକାନ୍ତି ଶୀଘ୍ର ଶେଷ ହେବାପରେ ପ୍ରଥମେ ଶ୍ରୀ ବଳଭଦ୍ରଙ୍କ ତାଳଧ୍ଵଜ ରଥ ଟଣା ଆରମ୍ଭ ହୋଇଥିଲା । ପରେ ଶ୍ରୀମନ୍ଦିର ଅଭିମୁଖେ ଗଡିଥିଲା ଦର୍ପଦଳନ ଓ ଶେଷରେ କାଳିଆ ଠାକୁର ରଥକୁ ଟାଣିଥିଲେ ଭକ୍ତିଭାବରେ ଜଡସଡ ଭକ୍ତବୃନ୍ଦ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଶେଷ ହୋଇଛି ବାହୁଡା ଯାତ୍ରା । ଲକ୍ଷାଧିକ ଭକ୍ତଙ୍କ ଗହଣରେ ଗୁଣ୍ଡିଚା ମନ୍ଦିରରୁ ଶ୍ରୀମନ୍ଦିର ସମ୍ମୁଖରେ ପହଞ୍ଚିଛି ତିନି ରଥ । ପ୍ରଥମେ ତାଳଧ୍ବଜ ପରେ ଦର୍ପଦଳନ ଓ ଶେଷରେ ନନ୍ଦିଘୋଷ ରଥ ପହଞ୍ଚିଛି ।