ପୁରୀ: ମଙ୍ଗଳବାର ଅନୁଷ୍ଠିତ ହେବ ମହାପ୍ରଭୁଙ୍କ ବାହୁଡ଼ା ଯାତ୍ରା ଉତ୍ସବ । ଶ୍ରୀଗୁଣ୍ଡିଚା ଛାଡ଼ି ଶ୍ରୀମନ୍ଦିର ଅଭିମୁଖେ ବାହାରିବେ ମହାପ୍ରଭୁ ଜଗନ୍ନାଥ, ଶ୍ରୀ ବଳଭଦ୍ର, ଦେବୀ ସୁଭଦ୍ରା ଏବଂ ଚକ୍ରରାଜ ସୁଦର୍ଶନ । ତେବେ ଏନେଇ ନିର୍ଦ୍ଧାରିତ ହୋଇଛି ସମସ୍ତ ନୀତି ନିର୍ଘଣ୍ଟ ।
ମଙ୍ଗଳବାର ଆଷାଢ଼ ଶୁକ୍ଳ ଦଶମୀ ତିଥିର ଭୋର ୪ଟାରେ ଶ୍ରୀ ଗୁଣ୍ଡିଚାରେ ହେବ ମହାପ୍ରଭୁଙ୍କ ମଙ୍ଗଳ ଆଳତୀ । ଏହାପରେ ୪.୧୫ ଘଟିକାରେ ହେବ ମଇଲମ । ୪.୩୦ରେ ତଡ଼ପ ଲାଗି ଓ ରୋଷ ହୋମ, ୫ଟାରେ ଅବକାଶ ନୀତି ଅନୁଷ୍ଠିତ ହେବ । ଏହାପରେ ୫.୧୫ରେ ସୂର୍ଯ୍ୟ ପୂଜା, ୫.୩୦ରେ ଦ୍ବାରପାଳ ସହ ବେଶ ଶେଷ ହେବାର ନିର୍ଦ୍ଧାରିତ ହୋଇଛି । ପରେ ସକାଳ ୫.୪୫ ରୁ ୬.୪୫ ମଧ୍ୟରେ ଗୋପାଳ ବଲ୍ଲଭ ଓ ସକାଳ ଧୂପ (ଖେଚୁଡ଼ି ଭୋଗ) ଅନୁଷ୍ଠିତ ହେବ ।