ପୁରୀ: ପୁରୀ ରେଳଷ୍ଟେସନ ଏବେ ସମ୍ପୂର୍ଣ୍ଣ ଅସୁରକ୍ଷିତ। କାହିଁକି ନା ଷ୍ଟେସନର କେଵଳ ମୁଖ୍ୟ ଗେଟରେ କଡାକଡି ଚେକିଂ ଥିବାବେଳେ ଅନ୍ୟପଟେ ସୁରକ୍ଷା ବ୍ୟବସ୍ଥା ସମ୍ପୂର୍ଣ୍ଣ ଢିଲା । ଷ୍ଟେସନର ୱାସିଂ ଲାଇନ ପଟ ଏହାର ନିଚ୍ଛକ ଉଦାହରଣ ।
ଅସୁରକ୍ଷିତ ଓ ଅବହେଳିତ ଅବସ୍ଥାରେ ପୁରୀ ରେଲୱେ ଷ୍ଟେସନ
ଗତ 'ଫନି' ବାତ୍ୟା ରେ ୱାଶିଂ ଲାଇନ ପଟ ପ୍ରାଚୀର ଭାଙ୍ଗି ଯାଇ ମୁକୁଳା ଥିବା ବେଳେ ଏହାର ମରାମତି ହେଉନାହିଁ । ସୁରକ୍ଷାକର୍ମୀ ମଧ୍ୟ ମୁତୟନ କରାଯାଇ ନାହିଁ । ଫଳରେ ଏହି ବାଟରେ ଯେ କୌଣସି ବ୍ୟକ୍ତି ପଶି ଷ୍ଟେସନ ତଥା ବିଭିନ୍ନ ଟ୍ରେନର ବଗିରେ ଚଢି ଅସାମାଜିକ କାର୍ଯ୍ୟକଳାପ ଘଟାଇପାରନ୍ତି ବୋଲି ଅଭିଯୋଗ ହୋଇଛି ।