ପୁରୀ: ଆଜି କୁମାର ପୂର୍ଣ୍ଣିମା ସହ ଆରମ୍ଭ ହେଉଛି ପ୍ରସିଦ୍ଧ ଗଜଲକ୍ଷ୍ମୀ ପୂଜା । ଏନେଇ ଶ୍ରୀମନ୍ଦିରରେ ସ୍ବତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଥାଏ । ଶ୍ରୀ ସୁର୍ଦଶନ ଦେବ ଚଉଦୋଳରେ ବିଜେ କରି ନଗର ପରିକ୍ରମା ସହ ମହାପ୍ରଭୁଙ୍କ ମଧ୍ୟାହ୍ନ ଧୂପ ପରେ ନୀତିକାନ୍ତି ଅନୁଷ୍ଠିତ ହେବ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ପରମ୍ପରା ଅନୁଯାୟୀ, ଦେବ ଦମ୍ପତ୍ତିଙ୍କ ଦ୍ୟୁତ କ୍ରୀଡା ଅନୁଷ୍ଠିତ ହେବ । ଲକ୍ଷ୍ମୀ ଠାକୁରାଣୀଙ୍କ ଠାରୁ ଦ୍ୟୁତ କ୍ରୀଡାରେ ହାରି ମହାପ୍ରଭୁ ଶେଷରେ ବନ୍ଧା ପଡିବେ । ଠାକୁରଙ୍କ ସନ୍ଧ୍ୟା ଧୂପ ପୂଜା ଅନୁଷ୍ଠିତ ହେବାବେଳେ ଶ୍ରୀ ମଦନ ମୋହନ ଓ ଶ୍ରୀଦେବୀ ଆଜ୍ଞା ମାଳ ପାଇ ମହାଲକ୍ଷ୍ମୀଙ୍କ ଜଗମୋହନ ସ୍ଥିତ ଖଟ ଉପରେ ବିଜେ କରିବେ ।