ଭୁବନେଶ୍ବର: ଅଗଷ୍ଟ ମାସ ଶେଷ ପର୍ଯ୍ୟନ୍ତ ରାଜ୍ୟକୁ ଘୋଷଣା କରାଯାଇଛି ଅନଲକ । ଏନେଇ ଆଜି ରାଜ୍ୟ ସରକାରଙ୍କ ସ୍ବତନ୍ତ୍ର ରିଲିଫ କମିସନର ପ୍ରଦୀପ ଜେନା ଘୋଷଣା କରିଛନ୍ତି । ରାଜ୍ୟରେ ଥମିବାର ନାଁ ଧରୁନି କୋରୋନାର ଦ୍ବିତୀୟ ଲହର । କୋରୋନା ପଜିଟିଭି ସଂଖ୍ୟା ହ୍ରାସ ହୋଇଥିଲେ ମଧ୍ୟ କଟକଣା ମାନିବାକୁ ଲୋକଙ୍କୁ ସଚେତନ କରାଯାଉଛି ।
ଅନଲକ ମଧ୍ୟରେ ରାଜ୍ୟରେ ପାର୍କ,ମଲ, ସିନେମା ହଲ୍, ଥିଏଟର ମଞ୍ଚ ସୀମିତ ଦର୍ଶକ ମଧ୍ୟରେ ଖୋଲିବା ପାଇଁ ଅନୁମତି ଦେଇଛନ୍ତି ସରକାର । ସେପଟେ କିନ୍ତୁ କୋରୋନା କଟକଣା ଯୋଗୁଁ ଭକ୍ତ ଓ ଭଗବାନଙ୍କ ମଧ୍ୟରେ ଦୂରତା ବଢିଛି । ପୁରୀରେ ମହାପ୍ରଭୁଙ୍କ ଦର୍ଶନରୁ ବଞ୍ଚିତ ହେଉଛନ୍ତି ଲକ୍ଷ ଲକ୍ଷ ଭକ୍ତ । ସେହିପରି ଲିଙ୍ଗରାଜ ମନ୍ଦିରରେ ମଧ୍ୟ କୋରୋନା କଟକଣା ଯୋଗୁଁ ସାଧାରଣ ଦର୍ଶନ ବନ୍ଦ କରାଯାଇଛି । ଏଭଳି ସ୍ଥତିରେ ମନ୍ଦିର କିଭଳି ଖୋଲାଯିବ କଣ ରହିଛି ବ୍ୟବସ୍ଥା ଏସଆରସି କହିଛନ୍ତି ।