ପୁରୀ: ପିପିଲିରେ ଦଳିତ ଲୋକଙ୍କ ଉପରେ ବଢୁଛି ଅତ୍ୟାଚାର । ପୋଲିସକୁ ଅଭିଯୋଗ କଲେ ମାମଲା ରୁଜୁ ନକରି ଓଲଟି ମିଛ ମାମଲାରେ ଦଳିତ ଲୋକଙ୍କୁ ଫସାଇ ନିର୍ଯାତନା ଦେଉଥିବା ଅଭିଯୋଗ ହୋଇଛି । ଏହାର ପ୍ରତିବାଦ କରି ପିପିଲି ଜାତୀୟ ଦଳିତ ଆଦିବାସୀ ମାଇନୋରୋଟି ସଂଘ ପକ୍ଷରୁ ଗତକାଲି(ଗୁରୁବାର) ବିକ୍ଷୋଭ ଓ ପ୍ରତିବାଦ କରାଯାଇଛି । ବିକ୍ଷୋଭ ପ୍ରଦର୍ଶନରେ ଶହଶହ ଦଳିତ ପରିବାର ସାମିଲ ହୋଇ ଫ୍ଲାକାର୍ଡ ଧରି ରାଲି କରିଥିଲେ ।
ନ୍ୟାୟ ଦେବାରେ ପିପିଲି ପୋଲିସ ବିଫଳ
ଗତ କିଛି ଦିନ ହେବ କିଛି ବିଲ୍ଡର ପିପିଲି ଅଞ୍ଚଳରେ ଦଳିତ ଲୋକଙ୍କ ଜମି କବଜା କରି ନିଜ ବ୍ୟବସାୟ କରୁଛନ୍ତି। ହେଲେ ପୋଲିସ ଦଳିତ ଲୋକଙ୍କୁ ସାହାଯ୍ୟ କରିବା ପରିବର୍ତ୍ତେ ବିଲ୍ଡରଙ୍କ ଠାରୁ ମୋଟା ଅଙ୍କର ଟଙ୍କା ନେଇ କୌଣସି ପଦକ୍ଷେପ ନେଉ ନାହିଁ । ତେବେ ପିପିଲି ପୋଲିସ ଦଳିତଙ୍କୁ ସୁରକ୍ଷା ନଦେଲେ ଆଗାମୀ ଦିନରେ ମୁଖ୍ୟମନ୍ତ୍ରୀଙ୍କ ବାସ ଭବନ ଆଗରେ ପ୍ରତିବାଦ କରାଯିବ ବୋଲି ଜାତୀୟ ଦଳିତ ଆଦିବାସୀ ମାଇନୋରୋଟି ସଂଘ ଚେତାବନୀ ଦେଇଛି।