ପୁରୀ :ଆଉ ଦିନ କେଇଟା ପରେ ଶ୍ରୀଜୀଉଙ୍କ ବିଶ୍ବପ୍ରସିଦ୍ଧ ରଥଯାତ୍ରା । ଏଥିପାଇଁ ଅନ୍ତିମ ପର୍ଯ୍ୟାୟରେ ରଥନିର୍ମାଣ । ତେବେ ରଥ ନିର୍ମାଣ ପାଇଁ ଅନେକ ସରାଞ୍ଜମର ଆବଶ୍ୟକତା ପଡ଼ିଥିବାବେଳେ ପୁରୀର ଜଣେ ଯୁବ ଚିତ୍ରଶିଳ୍ପୀ ଦିଆସିଲି କାଠିରେ କ୍ଷୁଦ୍ର ରଥ ନିର୍ମାଣ କରିଛନ୍ତି । ବିଶ୍ଵ ପ୍ରସିଦ୍ଧ ରଥଯାତ୍ରା ଅବସରରେ ପୁରୀର ଏହି ଯୁବ ଚିତ୍ରଶିଳ୍ପୀ ଶାଶ୍ବତ ରଞ୍ଜନ ସାହୁ ଏକ ନିଆରା ଢଙ୍ଗରେ ରଥ ନିର୍ମାଣ କରିଛନ୍ତି । ଯାହା ଦେଖିବାକୁ ଖୁବ ଆକର୍ଷଣୀୟ ହୋଇଛି ।
ଦିଆସିଲି କାଠିରେ କ୍ଷୁଦ୍ର ରଥ ନିର୍ମାଣ କଲେ ଯୁବ ଚିତ୍ରଶିଳ୍ପୀ
୪୮୩୦ ଦିଆସିଲି କାଠି ବ୍ୟବହାର କରି ପ୍ରଭୁ ବଳଭଦ୍ର, ଦେବୀ ସୁଭଦ୍ରା ଏବଂ ମହାପ୍ରଭୁ ଶ୍ରୀ ଜଗନ୍ନାଥଙ୍କ ରଥର ତିନୋଟି କ୍ଷୁଦ୍ର ମଡେଲ୍ ତିଆରି କରିଛନ୍ତି । ରଥର ଉଚ୍ଚତା ୧୧.୪ଇଞ୍ଚ (ବଳଭଦ୍ର), ୧୧ଇଞ୍ଚ (ସୁଭଦ୍ରା), ୧୧.୫ ଇଞ୍ଚ (ଜଗନ୍ନାଥ) ଏବଂ ତିନୋଟି ରଥର ମୋଟେଇ ୬ ଇଞ୍ଚ ରହିଛି ।