ପୁରୀ: ରାଣୀ ଗୁଣ୍ଡିଚା ମନ୍ଦିରରେ ଚୁଲିଭଙ୍ଗା ଘଟଣାକୁ ଖଣ୍ଡନ କଲେ ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ଅନନ୍ତ ତିଆଡ଼ି । ଶ୍ରୀଗୁଣ୍ଡିଚା ମନ୍ଦିରରେ ଥିବା ଚୁଲିଗୁଡିକ ମରାମତି କରାଯାଉଛି, ଭାଙ୍ଗିବା ଘଟଣା ସମ୍ପୂର୍ଣ୍ଣ ମିଛ । ଭକ୍ତଙ୍କୁ ଆଡପ ଅବଡା ମିଳିବାର କୌଣସି ସମସ୍ୟା ହେବ ନାହିଁ । ଆସନ୍ତାକାଲି ଠାରୁ ଭକ୍ତଙ୍କୁ ଆଡ଼ପ ଅବଡା ମିଳିବ ବୋଲି ଅନନ୍ତ ତିଆଡି କହିଛନ୍ତି ।
ଶ୍ରୀଗୁଣ୍ଡିଚା ରୋଷଘର ଚୁଲି ଭଙ୍ଗାକୁ ଖଣ୍ଡନ: ବ୍ୟକ୍ତିଗତ ଅଭିଯୋଗ କହିଲେ ପରିଚାଳନା କମିଟି ସଦସ୍ୟ
ସେ ଆହୁରି ମଧ୍ୟ କହିଛନ୍ତି ଯେ, ଗୁଣ୍ଡିଚା ମନ୍ଦିରରେ 240 ଟି ଚୁଲି ରହିଛି । ସୁଆର ନିଯୋଗର ଯେଉଁ ସେବାୟତ ଚୁଲି ଭାଙ୍ଗିବା ନେଇ ଅଭିଯୋଗ କରିଛନ୍ତି ଏହା ତାଙ୍କର ବ୍ୟକ୍ତିଗତ ମତ । ତେବେ ସେ କାହିଁକି ଏଭଳି ମତ ଦେଇଛନ୍ତି ସେନେଇ ତଦନ୍ତ ହେବ ବୋଲି କହିଛନ୍ତି ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ଅନନ୍ତ ତିଆଡ଼ି ।