ଭୁବନେଶ୍ବର:କୋଭିଡ କଟକଣା ଓ ଲକଡାଉନ ଯୋଗୁଁ କୋଟି କୋଟି ଶ୍ରମିକ ନିଜର ରୋଜଗାର ହରାଇଛନ୍ତି । ରୋଜଗାର ନ ଥିବା ଗରିବ ଲୋକମାନେ ନିଜ ଘର ପରିବାର ଚଳାଇବା କଷ୍ଟକର ହୋଇପଡିଛି । ତେଣୁ ରାଜ୍ୟ ସରକାର ଗରିବ ଶ୍ରମିକ ମାନଙ୍କୁ ସାହାଯ୍ୟ ଦେବା ନେଇ ଦାବି କରିଛି ଭାରତୀୟ ମଜଦୁର ସଙ୍ଘ ।
ପୁରୀ ଜିଲ୍ଲା ଭାରତୀୟ ମଜଦୁର ସଂଘ ପକ୍ଷରୁ କୋରୋନା ମହାମାରୀ ଦ୍ବାରା ପ୍ରଭାବିତ ଲୋକଙ୍କୁ ରୋଜଗାର ଓ ସହାୟତା ପ୍ରଦାନ ଦାବିରେ ଜିଲ୍ଲାର ସମସ୍ତ 11ଟି ବ୍ଳକ ଓ ପୌରପାଳିକାକୁ ଦାବିପତ୍ର ଦିଆଯାଇଛି । ସମସ୍ତ ପ୍ରବାସୀ ଶ୍ରମିକ ତଥା ବେକାର ଯୁବକ ଯୁବତୀ ମାନଙ୍କ ଦକ୍ଷତା ସର୍ବେକ୍ଷଣ କରାଯାଇ ଅନୁରୂପ ନିଯୁକ୍ତି ଓ କର୍ମସଂସ୍ଥାନ ଯୋଗାଇବାକୁ ଏଥିରେ ଦାବି ହୋଇଛି ।
ବେକାରୀଙ୍କୁ ସହାୟତା ଦାବି କଲା ଭାରତୀୟ ମଜଦୁର ସଂଘ