ପୁରୀ: ରାତି ପାହିଲେ ବିଶ୍ବ ପ୍ରସିଦ୍ଧ ରଥଯାତ୍ରା । ପବିତ୍ର ଘୋଷଯାତ୍ରା ପାଇଁ ଶ୍ରୀମନ୍ଦିରଙ୍କୁ ରଙ୍ଗବେରଙ୍ଗର ଫୁଲରେ ସଜ୍ଜିତ କରାଯାଇଛି । ସିଂହଦ୍ବାର ଠାରୁ ଶ୍ରୀମନ୍ଦିର, ମନ୍ଦିର ବେଢା ପରିସର ଠାରୁ ଶ୍ରୀଗୁଣ୍ଡିଚା । ଭଳିକି ଭଳି ଗେଣ୍ଡୁ, ମାଳତୀ, ଜାରଭେରା, କାରନସନ ଭଳି ଫୁଲରେ ସଜେଇ ଦିଆଯାଇଛି । ଯାହାକି ଚଳିତ ରଥଯାତ୍ରାର ବିଶେଷ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି ।
15ରୁ ଊର୍ଦ୍ଧ୍ବ ଟ୍ରକ ଫୁଲରେ ଶ୍ରୀମନ୍ଦିର ଠାରୁ ଗୁଣ୍ଡିଚା ମନ୍ଦିର ସଜ୍ଜା ଯାଇଛି । ଯାହାର ଆନୁମାନିକ ମୂଲ୍ୟ ହେବ 15ରୁ 20 ଲକ୍ଷ ଟଙ୍କା । ଏହାକୁ ସଜେଇବା ପାଇଁ ଲାଗିଥିଲେ 200ରୁ ଊର୍ଦ୍ଧ୍ବ କାରିଗର । ଦିଲ୍ଲୀର ଜଣେ ବ୍ୟବସାୟୀ ନିଜସ୍ବ ଖର୍ଚ୍ଚରେ ପ୍ରଶାସନର ଅନୁମତି କ୍ରମେ ଏଭଳି ନିଆରା ପଦକ୍ଷେପ ନେଇଛନ୍ତି । ତେବେ କେବଳ ରଥଯାତ୍ରା ନୁହେଁ ସୁନାବେଶ ଓ ନିଳାଦ୍ରୀ ବିଜେ ମଧ୍ୟ ଏଭଳି ମନ୍ଦିର ସଜ୍ଜିତକରଣ କରିବାର କାର୍ଯ୍ୟକ୍ରମ ରହିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର ଓ ତାପସ ପରିଡା, ଇଟିଭି ଭାରତ
