ପୁରୀ: ଶ୍ରୀମନ୍ଦିର ନିକଟରେ ଥିବା ଏମାର ମଠକୁ ଆଜି ଉଚ୍ଛେଦ କରାଯିବ । ନିକଟରେ ଥିବା ଦୋକାନ ଘରକୁ ମଧ୍ୟ ଖାଲି କରାଇ ଦିଆଯାଇଛି । ପୁରାତନ ଲଙ୍ଗୁଳି ମଠକୁ ମଙ୍ଗଳବାର ପ୍ରଶାସନ ଉଚ୍ଛେଦ କରିଛି । ଶାନ୍ତି ଶୃଙ୍ଖଳା ନେଇ 24 ପ୍ଲାଟୁନ ଫୋର୍ସ ମୁତୟନ କରାଯାଇଥିଲା । ଶାନ୍ତି ଶୃଙ୍ଖଳା ସହ ଏବଂ ଉଛେଦ ପ୍ରକ୍ରିୟା ସହରବାସୀଙ୍କ ସମର୍ଥନକୁ ନେଇ ହୋଇଥିଲା । ଏନେଇ ଜିଲ୍ଲାପାଳ ଧନ୍ୟବାଦ ଦେଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା,ପୁରୀ
ଶ୍ରୀମନ୍ଦିର ଚାରିପାଖରେ 75 ମିଟର ପର୍ଯ୍ୟନ୍ତ ଥିବା ବିଭିନ୍ନ ଘର, ମଠ, ଲଜିଂ ମଧ୍ୟ ଭଙ୍ଗାଯିବ । ଏହାପରେ ଶ୍ରୀଜଗନ୍ନାଥଙ୍କ ଜମିକୁ ମଧ୍ୟ ଅଧିଗ୍ରହଣ କରାଯିବ । ସେଠାରେ ଉଚ୍ଛେଦ ହୋଇ ଥିବା ମଠକୁ ଥଇଥାନ ନେଇ ଜାଗା ବ୍ୟବସ୍ଥା କରାଯିବ । ସେହିପରି କ୍ଷତିଗ୍ରସ୍ତ ହେଉଥିବା ଦୋକାନୀଙ୍କୁ ଜଗନ୍ନାଥ ବଲ୍ଲବ ମାର୍କେଟ କମ୍ପ୍ଲେକ୍ସ, ପୁରୁଣା ଜେଲରେ ହେବାକୁ ଥିବା କମ୍ପ୍ଲେକ୍ସରେ ଥଇଥାନ କରାଯିବ ।