ପୁରୀ :ସମୁଦ୍ରରୁ ଉଦ୍ଧାର ହେଲା ଶ୍ରୀରାମଙ୍କ ଦ୍ଵାରା ତିଆରି ସେତୁବନ୍ଧ ଶିଳା । ସମୁଦ୍ରର ଏକ ପଥର ଉଦ୍ଧାର ହୋଇଛି, ଯାହାକି ଜଳରେ ଭାସମାନ ଅବସ୍ଥାରେ ରହୁଛି। ଫଳରେ ଏହା ସେତୁବନ୍ଧର ଶିଳା ବୋଲି ଚର୍ଚ୍ଚା ଜୋର ଧରିଛି ।
ସୂଚନା ଅନୁଯାୟୀ ଗତକାଲି ଶନିବାର ପୁରୀରେ ଗୋଶାଣୀ ଭଷାଣ ଉତ୍ସବ ଅନୁଷ୍ଠିତ ହୋଇଥିଲା। କେତେକ ପୂଜା ସାମଗ୍ରୀ ସମୁଦ୍ରକୁ ବିସର୍ଜନ ପାଇଁ ଲୋକମାନେ ଯାଇଥିଲେ । ତେବେ ସମୁଦ୍ରରେ ଏକ ପଥର ଲହଡିରେ ମାଡ଼ ହେଉଥିବାବେଳେ ଏହା ଭାସୁଥିବା ଦେଖିବାକୁ ପାଇଲେ ପୁରୀର ସନ୍ତୋଷ କୁମାର ଜାଲି । ସେ ଏହାକୁ ଆଣି ଶ୍ରୀମନ୍ଦିରରେ ମହାପ୍ରଭୁଙ୍କ ସେବକ ଶମ୍ଭୁ ଖୁଣ୍ଟିଆଙ୍କୁ ପ୍ରଦାନ କରି ସବୁ ସତ କଥା କହିଥିଲେ । ପରେ ସେବାୟତ ଶମ୍ଭୁ ଖୁଣ୍ଟିଆ ଏହାକୁ ପରୀକ୍ଷା ପାଇଁ ମାର୍କଣ୍ଡ ପୁଷ୍କରିଣୀ ଜଳରେ ପଥରଟିକୁ ପକାଇଥିଲେ । ହେଲେ ପଥରଟି ବୁଡିବା ପରିବର୍ତେ ଭାସୁଛି । ଏହାକୁ ନେଇ ସେ ଆଶ୍ଚର୍ଯ୍ୟ ପ୍ରକଟ କରିଛନ୍ତି । ଏପରିକି ସରକାର ଏହି ପଥରକୁ ନେଇ ପରୀକ୍ଷା ନିରୀକ୍ଷା କରି କଣ ପ୍ରକୃତ କାରଣ ରହିଛି ତାର ତଥ୍ୟ ସାର୍ବଜନୀନ କରିବା ଉଚିତ ବୋଲି ସେବାୟତ ମତ ପ୍ରକାଶ କରିଛନ୍ତି ।