ପୁରୀ: ଏମାର ମଠରୁ ପୁଣି 45 ରୁପା ଇଟା ଉଦ୍ଧାର । 2011 ମସିହାରେ ରୂପା ଇଟା ମାମଲାରେ ଚର୍ଚ୍ଚିତ ଥିବା ପୁରୀ ଏମାର ମଠରୁ ଶନିବାର ପୁଣି 45 ଟି ରୁପା ଇଟା ଉଦ୍ଧାର କରିଛି ଦେବୋତ୍ତର ବିଭାଗ ଓ ପୋଲିସ। ମଠର 4 ନମ୍ୱର କୋଠାରୀରୁ ରୁପା ଇଟା ଉଦ୍ଧାର କରାଯାଇଛି।
ପୁଣି ଏମାର ମଠରୁ 45 ରୁପା ଇଟା ଉଦ୍ଧାର
2010 ମସିହାରୁ ଏହା ଏମାର ମଠ ମହନ୍ତଙ୍କ ଦାୟିତ୍ୱରେ ଥିଲା। ତେବେ ନୂଆ ଟ୍ରଷ୍ଟ କାର୍ଯ୍ୟ ଭାର ହାତକୁ ନେବା ପରେ ଦେବୋତ୍ତର ବିଭାଗ ଓ ପୋଲିସ ଏହି 45 ଖଣ୍ଡ ରୁପା ଇଟାକୁ ନିଜ ହେପାଜତକୁ ନେଇଛି। ଚଟାଣ ତଳେ ଥିବା ଅବସ୍ଥାରେ ଏହା ଉଦ୍ଧାର ହୋଇଛି।
ଗତ 2011 ମସିହାରେ ମଧ୍ୟ 522 ଖଣ୍ଡ ରୁପା ଇଟା ଉଦ୍ଧାର ହୋଇଥିଲା। ଇଟାଗୁଡିକକୁ ପୁରୀ ପୋଲିସର ଜିଲ୍ଲା ଅସ୍ତ୍ରୋଗାରରେ ରଖାଯାଇଛି। । ଶନିବାର ଦିତୀୟ ଦିନରେ ମଧ୍ୟ ଦେବୋତ୍ତର ବିଭାଗ ପକ୍ଷରୁ ମଠ ଭିତରେ ବିଭିନ୍ନ କୋଠରୀ ତଦାରଖ କରାଯାଉଛି ।