ବିଜେପି ପାଳିଲା ବିଜୟ ଉତ୍ସବ

କେନ୍ଦୁଝର ସଦର ନିର୍ବାଚନ ମଣ୍ଡଳୀରେ ବିଜେପି ଏକ ମାତ୍ର ଆସନ ଜିତିବାରେ ସଫଳ ହୋଇଛି । ଏନେଇ ବିଜେପି ପକ୍ଷରୁ ବିଜୟୀ ଉତ୍ସବ ପାଳୁଛନ୍ତି ।ସ୍ଥାନୀୟ ପୁରୁଣା ସହର ଠାରୁ ଶତାଧିକ କର୍ମୀଙ୍କ ଗ୍ରହଣରେ ବିଜୟୀ ପ୍ରାର୍ଥୀ ଶୋଭାଯାତ୍ରାରେ ବାହାରି ସହର ପରିକ୍ରମା କରିଛନ୍ତି ।

କେନ୍ଦୁଝର : ସରିଲା ନିର୍ବାଚନ ସମର । ଗୁରୁବାର ଭୋଟ ଗଣତି ପରେ ନିର୍ବାଚିତ ପ୍ରତିନିଧି ମାନେ ଏବେ ବିଜୟ ଉଲ୍ଲାସରେ ବ୍ୟସ୍ତ । କେନ୍ଦୁଝର ଜିଲ୍ଲାରେ ଶାସକ ବିଜେଡି ୫ ଟି ବିଧାନସଭା ଓ ଗୋଟିଏ ଲୋକସଭା ଆସନ ବିଜୟୀ ହୋଇଛି ।

କେନ୍ଦୁଝର ସଦର ନିର୍ବାଚନ ମଣ୍ଡଳୀରେ ବିଜେପି ଏକ ମାତ୍ର ଆସନ ଜିତିବାରେ ସଫଳ ହୋଇଛି । ଏହି ଆସନରେ ବିଜେଡି ଓ ବିଜେପି ମଧ୍ୟରେ କଡା ମୁକାବିଲା ଦେଖିବାକୁ ମିଳିଥିଲା । ଏହା ସତ୍ତ୍ବେ ବିଜେପିର ମୋହନ ଚରଣ ମାଝୀ ପ୍ରତିଦ୍ବନ୍ଦୀ ଶାସକ ବିଜେଡିର ମାଧବ ସର୍ଦ୍ଦାରଙ୍କୁ ଏକ ହଜାର ଭୋଟ ବ୍ୟବଧାନରେ ହରାଇ ବିଜୟୀ ହୋଇଛନ୍ତି ।

ଜିତିବା ପରେ ବଜେପି ପକ୍ଷରୁ ବିଜୟ ଉତ୍ସବ ପାଳନ କରାଯାଇଛି । ସ୍ଥାନୀୟ ପୁରୁଣା ସହର ଠାରୁ ଶତାଧିକ କର୍ମୀଙ୍କ ଗ୍ରହଣରେ ବିଜୟୀ ପ୍ରାର୍ଥୀ ଶୋଭାଯାତ୍ରାରେ ବାହାରି ସହର ପରିକ୍ରମା କରିଥିଲେ । ବିଜୟ ପରେ କେନ୍ଦୁଝରର ସମସ୍ତ ବିକାଶ କରିବା ଲକ୍ଷ ବୋଲି ମୋହନ ମାଝୀ ପ୍ରକାଶ କରିଛନ୍ତି।

କେନ୍ଦୁଝରରରୁ ସନ୍ତୋଷ ମହାପାତ୍ର ,ଇଟିଭି ଭାରତ