କଟକ: କଟକ ଯୋବ୍ରା ମଲା ସାହିରେ ବିବାହିତ ମହିଳାଙ୍କ ଆତ୍ମହତ୍ୟା । ଆତ୍ମହତ୍ୟାର କାରଣ ଅସ୍ପଷ୍ଟ ଥିବା ବେଳେ ବର୍ତ୍ତମାନ ମୃତ ମହିଳାଙ୍କ ସ୍ବାମୀ ଫେରାର ଅଛନ୍ତି ।
ମହିଳାଙ୍କ ଆତ୍ମହତ୍ୟା, ସ୍ବାମୀ ଫେରାର ମାଲଗୋଦାମ ଥାନା ପୋଲିସ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ଝୁଲନ୍ତା ମୃତଦେହକୁ ଉଦ୍ଧାର କରିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି । ତେବେ କେଉଁ କାରଣରୁ ମହିଳା ଜଣଙ୍କ ଆତ୍ମହତ୍ୟା କେଲ ତାହାର ତଦନ୍ତ ଚଳାଇଛି ପୋଲିସ ।
ସୂଚନାନୁସାରେ, ମହିଳାଙ୍କ ବୟସ 32 ବର୍ଷ ତାଙ୍କର ବାପ ଘର ଯୋବ୍ରା ପାରେଶ୍ବର ସାହି ଅଞ୍ଚଳରେ । ଏବେ ମଲା ସାହିରେ ଭଡାଘରେ ରହୁଥିଲେ । 12ବର୍ଷ ପୂର୍ବେ ସେ ଜିତେନ୍ଦ୍ରଙ୍କର ସହ ପ୍ରେମ ବିବାହ କରିଥିଲେ । ଉଭୟଙ୍କ ଏକ ଝିଅ ଅଛି ଯାହାଙ୍କର ବୟସ 11 ବର୍ଷ ।
ସ୍ଥାନୀୟ ଲୋକଙ୍କ କହିବା ଅନୁସାରେ ବିଭିନ୍ନ ସମୟରେ ଉଭୟଙ୍କ ମଧ୍ୟରେ କଳହ ଲାଗି ରହୁଥିଲା । ବିଭିନ୍ନ ସମୟରେ ସମାଧାନ ହେଉଥିଲେ ମଧ୍ୟ ସମ୍ପର୍କରେ କୌଣସି ସୁଧାର ଆସିନଥିଲା ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
