ଫୁଲ ପକାଇବାକୁ ଯାଇ ମହାନଦୀରେ ଖସି ପଡିଥିଲେ ଅମ୍ଳାନଙ୍କ ପତ୍ନୀ

ଫୁଲ ପକାଇବାକୁ ଯାଇଥିବାବେଳେ ମହାନଦୀରେ ଖସି ପଡିଥିଲେ ଓଲିଉଡ ଅଭିନେତା ଅମ୍ଳାନଙ୍କ ସ୍ତ୍ରୀ । ଅଧିକ ପଢନ୍ତୁ..

କଟକ: ମହାନଦୀକୁ ଫୁଲ ପକାଇବାକୁ ଯାଇଥିବାବେଳେ ନଦୀକୁ ଖସି ପଡିଥିଲେ ଓଲିଉଡ ଅଭିନେତା ଅମ୍ଳାନଙ୍କ ପତ୍ନୀ । କଟକ ଜିଲ୍ଲା ସିଡିଏରୁ ନୂଆପାଟଣାକୁ ସଂଯୋଗ କରୁଥିବା ମଧୁସୂଦନ ସେତୁରେ ଏହି ଅଘଟଣ ଘଟିଛି । ତେବେ ତାଙ୍କୁ ସ୍ଥାନୀୟ ଲୋକ ଓ ଗ୍ରାମବାସୀଙ୍କ ସହାୟତାରେ ଉଦ୍ଧାର କରାଯାଇଛି । ଏବେ ସେ ସୁସ୍ଥ ଥିବା ନେଇ କହିଛନ୍ତି ଅଭିନେତା ଅମ୍ଳାନ ଦାସ ।

ଅମ୍ଳାନଙ୍କ କହିବାନୁଯାୟୀ, ଦୀପାବଳି ପୂଜାର ଭୋଗ ଓ ଫୁଲ ପକାଇବାକୁ ଦୁହେଁ ମହାନଦୀକୁ ଯାଇଥିଲେ । ହେଲେ ଖରାରେ ମୁଣ୍ଡ ବୁଲାଇବା ହେତୁ ସେ ନଦୀରେ ଗଳି ପଡିଥିଲେ । ପରେ ତାଙ୍କୁ ତୁରନ୍ତ ଉଦ୍ଧାର କରାଯାଇଥିଲା । ସିଡିଏ ଫେଜ୍ ୨ ପୋଲିସ ତାଙ୍କୁ ଚିକିତ୍ସା ପାଇଁ ହସ୍ପିଟାଲକୁ ପଠାଇଥିଲା । ଏବେ ସେ ସମ୍ପୂର୍ଣ୍ଣ ସୁସ୍ଥ ଥିବା ଜଣାପଡିଛି ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ