କଟକ: ପୁଣି କେନାଲରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି । ଏଭଳି ଘଟଣା ଦେଖିବାକୁ ମିଳିଛି କଟକ ଜିଲ୍ଲା ମାହାଙ୍ଗା ଥାନା ଅଞ୍ଚଳ ଦେଇ ଯାଇଥିବା ପଟ୍ଟାମୁଣ୍ଡାଇ କେନାଲରେ ।
ସୂଚନା ଅନୁଯାୟୀ, ଗୁରୁବାର କିଛି ସ୍ଥାନୀୟ ଲୋକ ଯାଉଥିବା ସମୟରେ ପଟ୍ଟାମୁଣ୍ଡାଇ କେନାଲ ଭିତରେ ଏକ ବ୍ୟକ୍ତିଙ୍କ ମୃତଦେହ ଭାସୁଥିବା ଦେଖିବାକୁ ପାଇଥିଲେ । ଏହାପରେ ସେମାନେ ପୋଲିସକୁ ଖବର କରିଥିଲେ l
ଭିଡିଓ ସୌଜନ୍ୟ: ସମ୍ବାଦଦାତା, କଟକ ଖବର ପାଇ ମାହାଙ୍ଗା ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲା । ତେବେ ମୃତକ ଜଣଙ୍କ ପରିଚୟ ମିଳିନଥିବା ବେଳେ ଅଜଣା ବ୍ୟକ୍ତି ଜଣକୁ କେହି ମାରି ନଦୀରେ ଭସାଇ ଦେଇଥିବା ସାଧାରଣରେ ଚର୍ଚ୍ଚା ହେଉଛି l ଏପଟେ ପୋଲିସ ଘଟଣାର ଛାନଭିନ୍ ଜାରି ରଖିଛି।
ତେବେ ଏଭଳି ମୃତଦେହ ଭାସିବା ଏହି ଅଞ୍ଚଳ ପାଇଁ ପ୍ରଥମ ଘଟଣା ହୋଇନଥିବା ବେଳେ କେନାଲରେ ମାସକ ଭିତରେ ୩ଟି ମୃତଦେହ ଭାସୁଥିବାର ଦେଖିବାକୁ ମିଳିଥିଲା l
କଟକରୁ ନାରାୟଣ ସାହୁ, ଇଟିଭି ଭାରତ
