କଟକ: ସିଲଭର ସିଟିରୁ ପୁଣି ଧରାପଡିଲେ ବନ୍ଧୁକ ବେପାରୀ । ଚାଉଳିଆଗଞ୍ଜ ପୋଲିସ ପଞ୍ଝାରେ ପଡିଛନ୍ତି ଏହି ବେପାରୀ । ୪ ଜଣ ବେପାରୀଙ୍କ ସହ ୫ଟି ବନ୍ଧୁକ ଓ ଗୁଳି ଜବତ କରିଛି ପୋଲିସ । ଏହି ଅଭିଯୁକ୍ତମାନେ କୁଖ୍ୟାତ ଅପରାଧୀ ହୋଇଥିବା ଜଣାପଡିଛି ।
କଟକରୁ ୪ ବନ୍ଧୁକ ବେପାରୀ ଗିରଫ, ୫ ବନ୍ଧୁକ ଜବତ
ଅପରାଧିକ କାର୍ଯ୍ୟକଳାପରେ ବ୍ୟବହାର କରିବା ଉଦ୍ଦେଶ୍ୟରେ ସେମାନେ ବନ୍ଧୁକ ଆଣିଥିଲେ । ବିଶ୍ଵସ୍ତସୂତ୍ରରୁ ଖବର ପାଇ ଏମାନଙ୍କୁ ଗିରଫ କରିଛି ପୋଲିସ । ଏମାନଙ୍କ ଭିତରୁ ତିନି ଜଣ ଜଗତସିଂହପୁର ଜିଲ୍ଲାର ହୋଇଥିବା ବେଳେ ସୌମେନ୍ଦ୍ର ସାହୁ ଓରଫ ମାଗୁ ହେଉଛି କଟକ ଜିଲ୍ଲାର । ତା' ବିରୋଧରେ ଚାଉଳିଆଗଞ୍ଜ ଥାନାରେ ଅନେକ ଅପରାଧିକ ମାମଲା ରହିଛି ।