କଟକ: ଅପରାଧ ନିୟନ୍ତ୍ରଣ ଦିଗରେ ଆଉ ପାଦେ ଆଗେଇଲା କଟକ କମିଶନରେଟ ପୋଲିସ । ସିଲଭରସିଟି ହେବ ଅପରାଧ ମୁକ୍ତ । ଛୋଟ ବଡ଼ ସମସ୍ତ ଅପରାଧିଙ୍କୁ ଟ୍ରାକ୍ କରିବା ପାଇଁ କଟକ କମିଶନରେଟ ପୋଲିସ ବିଛାଉଛି ସିସିଟିଭି ଜାଲ । ଯେପରି ଜଣେ କ୍ରାଇମ କରିବା ପରେ ପୋଲିସ ହାତରୁ ଖସି ନପାରେ ଏଥିପାଇଁ କମିଶନରେଟ ପୋଲିସ ଓ କଟକର ବିଭିନ୍ନ ପୂଜା କମିଟି ପକ୍ଷରୁ ଆରମ୍ଭ ହେଲା ସହଭାଗିତା ଅଭିଯାନ ।
କଟକ: ଦୁର୍ଗାପୂଜା ପୂର୍ବରୁ ଲାଗିବ ୧୦୦୦ CCTV
ପୋଲିସର ତୃତୀୟ ନୟନ ଭଳି କାମ କରିବ ଏହି ସିସିଟିଭି କ୍ୟାମେରା । କଟକରେ ଆଉ ୧୦୦୦ ସିସିଟିଭି ଲଗାଇବ ପୋଲିସ । ଏନେଇ ସୂଚନା ଦେଇଛନ୍ତି କଟକ ଡିସିପି ପିନାକ ମିଶ୍ର । ଏହି କ୍ରମରେ କଟକର ତିନୋଟି ସ୍ଥାନ ଚାନ୍ଦିନୀଚୌକ ଓ ସତି ଚଉରା ଓ ବେଳଭ୍ୟୁ ଛକରେ 13 ଟି ସିସିଟିଭି ଲଗାଇଲା କମିଶନରେଟ ପୋଲିସ । ଏହାସହ ଆଗକୁ ଦୁର୍ଗାପୂଜା ହେବାକୁ ଥିଲା ବେଳେ ଅପରାଧିଙ୍କୁ ଚେକ ଦେବା ପାଇଁ ସହରରେ 1000 ସିସିଟିଭି ଲଗାଇବା ପାଇଁ ଯୋଜନା ରଖିଛି କମିଶନରେଟ ପୋଲିସ ।