କଟକ: ସଦର ସୌମେନ୍ଦ୍ର କୁମାର ଦାସ ମର୍ଡର ମିଷ୍ଟ୍ରିର ଖୋଲିଲା ଗୁମର । ଗିରଫ ହେଲେ ମର୍ଡର ମାଷ୍ଟର ମାଇଣ୍ଡ ସୁରଥ ସାମଲ ଓ ସ୍ତ୍ରୀ ରିତା ସାମଲ । ଘଟଣାକୁ 3 ଦିନ ପୁରିଥିଲା ବେଳେ ଆଜି ଉଭୟ ସ୍ୱାମୀ ସ୍ତ୍ରୀ ଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ଗତ ଶୁକ୍ରବାର ଦିନ କଟକ ସଦର ଅଞ୍ଚଳର ମହୁରା ଗ୍ରାମର ସୌମେନ୍ଦ୍ର ଦାସ ନାମକ ବ୍ୟକ୍ତି ବିଲକୁ ପାଣି ମଡ଼ାଇବାକୁ ଯାଇ ଘରକୁ ଫେରି ନଥିବାରୁ ନିଖୋଜ ଆଧାରରେ ଏକ ଏତଲା ସଦର ଥାନାରେ ହୋଇଥିଲା। ହେଲେ ଠିକ ତା ପର ଦିନ ଅର୍ଥାତ ଶନିବାର ସକାଳୁ ଗ୍ରାମ ଲୋକମାନେ ସୌମେନ୍ଦ୍ରର ଚପଲ ଆଉ ମାଳି ଗ୍ରାମ ଶେଷ ମୁଣ୍ଡରେ ଥିବା ଏକ ପରିତ୍ୟକ୍ତ ଦଳ ପୂର୍ଣ୍ଣ ଗାଡ଼ିଆ ପାଖରୁ ଦେଖି ହତ୍ୟା ସନ୍ଦେହ କରି ତାଙ୍କ ପରିବାର ଲୋକେ ଆଉ ପୋଲିସକୁ ଖବର ଦେଇଥିଲେ ।