କଟକ: ବିଶ୍ବ ସ୍ତରୀୟ ହେବ ଏସସିବି ମେଡିକାଲ । ରୋଗୀଙ୍କ ଚିକିତ୍ସା ଠୁ ଆରମ୍ଭ କରି ନୂତନ ଧରଣର ପ୍ରଯୁକ୍ତି ବିଦ୍ୟାରେ ଝଲସିବ ମେଡିକାଲ । ପ୍ରତି ବିଭାଗକୁ କରାଯିବ ସଂପ୍ରସାରଣ । ହେଲେ ଏହାରି ଭିତରେ ସେହି ଗୋଟିଏ ଦୁଃଖ ସମ୍ନାକୁ ଆସୁଛି । ଯାହା ହେଉଛନ୍ତି ବସ୍ତି ବାସିନ୍ଦା ଓ ସରକାରୀ କ୍ବାଟର ରେ ରହୁଥିବା ବ୍ୟକ୍ତିମାନଙ୍କର । ଆଉ ମାତ୍ର କେଇଟା ଦିନ ପରେ ଉଜୁଡି ଯିବ ସେମାନଙ୍କ ବାସ । ଯାହାକୁ ନେଇ ଚିନ୍ତାରେ ବସ୍ତିବାସିନ୍ଦା ।
ଝଲସିବ ଏସସିବି, ଉଜୁଡିବ ବସ୍ତିବାସିନ୍ଦା ଘର
ଏ ହେଉଛି ମହାନଦୀ କୂଳରେ ଗଢିଉଠିଥିବା କଟକ ହାଡିଆପଠା ବସ୍ତି ଅଞ୍ଚଳ । କଟକ ଏସସିବି ମେଡିକାଲ ସମ୍ପ୍ରସାରଣ ନେଇ ରାଜ୍ୟ ସରକାର ନିଷ୍ପତ୍ତି ନେବାପରେ ରାଜ୍ୟବାସୀ ବେଶ ଖୁସ । କିନ୍ତୁ ଏଥିଯୋଗୁଁ ବିସ୍ଥାପିତ ହେବେ ଏଠାକାର ବସ୍ତିବାସିନ୍ଦା ଓ ସରକାରୀ କ୍ବାର୍ଟରରେ ରହୁଥିବା ଲୋକେ । ଘର ଭଙ୍ଗାଯିବା ନେଇ ଘୋଷଣା ପରେ ସଭିଙ୍କ ମୁହଁରେ କେବଳ ନିରାଶାର ଛାୟା। ଆଗକୁ ମାଟ୍ରିକ ପରୀକ୍ଷା ଥିବାବେଳେ ପିଲାଙ୍କ ପାଠପଢାରେ ବାଧାକୁ ଦେଖି ଚିନ୍ତିତ ପରିବାର ।