ଦାୟିତ୍ବ ଗ୍ରହଣ କଲେ, ବାପାଙ୍କୁ ମନେପକାଇ କାନ୍ଦିଲେ ସଞ୍ଜୟ

ସୋମାବର ନବନିର୍ବାଚିତ ସଞ୍ଜୟ ଓ ତାଙ୍କ ପ୍ୟାନେଲ ନିଜ ନିଜ ପଦବୀର ଦାୟିତ୍ବ ଗ୍ରହଣ କରିଛନ୍ତି । ତେବେ ଦାୟିତ୍ବ ଗ୍ରହଣ କରିବା ବେଳେ କୋହଭରା କଣ୍ଠରେ ବାପା ମନେ ପଡୁଛନ୍ତି ବୋଲି କହିଛନ୍ତି ଓସିଏର ନୂଆ ସମ୍ପାଦକ ସଞ୍ଜୟ ।

କଟକ: ଓଡିଶା କ୍ରିକେଟ ଆସୋସିଏସନ (ଓସିଏ)ର ସମ୍ପାଦକ ସିଟ୍‌ରେ ନବନିର୍ବାଚିତ ହୋଇଛନ୍ତି ସମ୍ପାଦକ ସଞ୍ଜୟ ବେହେରା । ଗତ କିଛି ବର୍ଷ ଧରି ବାପା ଆଶୀର୍ବାଦ ବେହେରା ଅକ୍ତିଆର କରିଥିବା ଚୌକିକୁ ପୁଣି ନିଜ ଆୟତ୍ତକୁ ନେଇଛନ୍ତି ପୁଅ ସଞ୍ଜୟ । ସୋମାବର ନବନିର୍ବାଚିତ ସଞ୍ଜୟ ଓ ତାଙ୍କ ପ୍ୟାନେଲ ନିଜ ନିଜ ପଦବୀର ଦାୟିତ୍ବ ଗ୍ରହଣ କରିଛନ୍ତି । ତେବେ ଦାୟିତ୍ବ ଗ୍ରହଣ କରିବା ବେଳେ କୋହଭରା କଣ୍ଠରେ ବାପା ମନେ ପଡୁଛନ୍ତି ବୋଲି କହିଛନ୍ତି ସଞ୍ଜୟ ।

ତେବେ ଆଗାମୀ 3 ବର୍ଷ (ଫୁଲ ଟର୍ମ) ପାଇଁ ସଞ୍ଜୟ ଓ ତାଙ୍କ ଟିମ ଅଧିନରେ ରହିବ ଓସିଏ । ଅନେକ ବିକାଶମୂଳକ କାର୍ଯ୍ୟ ଓ ଆଗାମୀ ଦିନରେ କେବଳ ଓଡିଶା କ୍ରିକେଟର ବିକାଶ ଦିଗରେ ଗୁରୁତ୍ବ ଦେବେ ବୋଲି କହିଛନ୍ତି ସଞ୍ଜୟ । ଏଥିସହିତ ଚଳିତ ବର୍ଷ ଡିସେମ୍ବରେର ହେବାକୁ ଥିବା ବାରବାଟୀ ଦିନିକିଆକୁ ସଫଳ ଭାବେ ଆୟୋଜନ କରିବା ତାଙ୍କର ମୁଖ୍ୟ ଲକ୍ଷ୍ୟ ବୋଲି ସେ କହିଛନ୍ତି ।

ତେବେ କାର୍ଯ୍ୟରେ ଯୋଗ ଦେବା ପରେ ସଞ୍ଜୟ କହିଛନ୍ତି, "ମୁଁ ଜିତିଛି ସତ । କିନ୍ତୁ ମୁଁ ମୋ ବାପାଙ୍କୁ ବହୁତ ମିସ୍‌ କରୁଛି । 8 ବର୍ଷ ଧରି ଓଡିଶାବାସୀ ଜାଣିଛନ୍ତି ଆଶୀର୍ବାଦ ବେହେରା କ’ଣ କରିଛନ୍ତି । ଆଉ ବାପାଙ୍କ ଅଧୁରା ସ୍ବପ୍ନକୁ ମୁଁ 3 ବର୍ଷ ମଧ୍ୟରେ ପୂରଣ କରିବି ।"

କଟକରୁ ପ୍ରଭୁରକଲ୍ୟାଣ ପାଲ, ଇଟିଭି ଭାରତ