କଟକ: ପ୍ରଦୂଷିତ ହେଉଛି ପୁରାତନ ସହରର ଦୁଇଟି ପ୍ରମୁଖ ନଦୀ । ସିଲଭର ସିଟି କଟକ କଡରେ ବହିଯାଉଥିବା ମହାନଦୀ ଓ କାଠଯୋଡିରେ ମିଶୁଛି ସହରର ତରଳ ବର୍ଜ୍ୟବସ୍ତୁ । ଯାହାକୁ ସଠିକ୍ ଭାବେ ବିଶୋଧନ କରାନଯାଇ ସିଧାସଳଖ ନଦୀ ଗର୍ଭକୁ ଛାଡି ଦିଆଯାଉଛି ।
କାଠଯୋଡୀ ଓ ମହାନଦୀରେ ମିଶୁଛି ନର୍ଦ୍ଦମା ପାଣି, ସବୁ ଜାଣି ପ୍ରଶାସନ ଚୁପ୍ !
ଫଳରେ ଉଭୟ ନଦୀର ଚଳନ୍ତା ପାଣି ବି ଏବେ କଳାକିଚିମିଚି ଦିଶୁଛି । ନଦୀ ପ୍ରଦୂଷିତ ହେଉଥିବାରୁ ତଳିଆ ଅଞ୍ଚଳ ଲୋକେ, ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି । ଏହାସହ ନାନା ରୋଗରେ ପଡୁଥିବାର ମଧ୍ୟ ଦେଖିବାକୁ ମିଳୁଛି ।
ତେବେ ଏହି ସମସ୍ୟାର ସ୍ଥାୟୀ ସମାଧାନ ପାଇଁ ସହରରେ ଜଳ ବିଶୋଧନାଗାର ପ୍ଲାଣ୍ଟର ଯୋଜନା କରାଯାଇଥିଲା । ଦୀର୍ଘ ବର୍ଷ ଧରି ଦୁଇଟି ପ୍ରକଳ୍ପର କାମ ମଧ୍ୟ ଚାଲିଥିଲା । ହେଲେ ଏବେ ସିଡିଏ ଅଞ୍ଚଳରେ ହୋଇଥିବା ପ୍ଲାଣ୍ଟର କାମ ଶେଷ ହୋଇ କାର୍ଯ୍ୟକ୍ଷମ ହୋଇଥିବାବେଳେ ଅନ୍ୟଟିର କାମ ଶେଷ ହୋଇନାହିଁ ।