CMC Deputy Mayor Race: ଦୌଡରେ ରେଭେନ୍ସା ଛାତ୍ରୀ ଦମୟନ୍ତୀ

କଟକରେ ଡେପୁଟି ମେୟରକୁ ନେଇ ଜାରି ରହିଛି କଳ୍ପନା ଜଳ୍ପନା । କିଛି ନବ ନିର୍ବାଚିତ କର୍ପୋରେଟରଙ୍କ ନାଁ ଚର୍ଚ୍ଚା ହେଉଥିବାବେଳେ ୪୯ ନମ୍ବର ୱାର୍ଡ କର୍ପୋରେଟର ଦମୟନ୍ତୀ ମାଝୀଙ୍କ ନାମ ବେଶ ଆଗରେ ରହିଛି । ଅଧିକ ପଢନ୍ତୁ

କଟକ:ସରିଛି ପୌର ନିର୍ବାଚନ ଏବଂ ଘୋଷଣା ହୋଇଛି ବିଜୟୀ ପ୍ରାର୍ଥୀଙ୍କ ନାମ । ତେବେ କଟକରେ ଡେପୁଟି ମେୟରକୁ ନେଇ ଜାରି ରହିଛି କଳ୍ପନା ଜଳ୍ପନା । କିଛି ନବ ନିର୍ବାଚିତ କର୍ପୋରେଟରଙ୍କ ନାଁ ଚର୍ଚ୍ଚା ହେଉଥିବାବେଳେ ୪୯ ନମ୍ବର ୱାର୍ଡ କର୍ପୋରେଟର ଦମୟନ୍ତୀ ମାଝୀଙ୍କ ନାମ ବେଶ ଆଗରେ ରହିଛି।
ଦମୟନ୍ତୀ ଟିକେଟ ପାଇ ୪୯ ନମ୍ବର ୱାର୍ଡର କର୍ପୋରେଟର ଭାବରେ ବିଜୟୀ ହୋଇଥିବା ବେଳେ ରେଭେନ୍ସା ବିଶ୍ୱବିଦ୍ୟାଳୟରେ ଅର୍ଥନୀତି ବିଭାଗର ପିଜି ଦ୍ୱିତୀୟ ବର୍ଷର ପାଠ ପଢୁଛନ୍ତି । ତେବେ ମୁଖ୍ୟମନ୍ତ୍ରୀ ଯଦି ତାଙ୍କୁ ଏହି ସୁଯୋଗ ଦିଅନ୍ତି,ତେବେ ସେ ତାହାକୁ ସୁଚାରୁରୂପେ ତୁଲାଇବେ ବୋଲି କହିଛନ୍ତି ଦମୟନ୍ତୀ।

ଏହା ପୂର୍ବରୁ ଡେପୁଟି ମେୟର ନେଇ ମୁହଁ ଖୋଲିଥିଲେ କଟକ ମେୟର ସୁବାସ ସିଂ ଏବଂ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା । ଏହି ଦିଗରେ କେବଳ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହିଁ ହସ୍ତକ୍ଷେପ କରିବେ । ଆଉ ଯାହାକୁ ଦଳ ପ୍ରାର୍ଥୀ କରିଛି ତାହା ମଧ୍ୟ ବିଜେଡି ସଭାପତି ନବୀନ ପଟ୍ଟନାୟକ ହିଁ ସ୍ଥିର କରିଥିଲେ। ତେବେ ଡେପୁଟି ମେୟର ନାଁ ନେଇ ଯେଉଁ ଉଷ୍ମତା ରହିଛି ତାହାକୁ ମଧ୍ୟ ନବୀନ ପଟ୍ଟନାୟକ ହଁ ସ୍ଥିର କରିବେ ବୋଲି କହିଛନ୍ତି ମେୟର ଓ ମନ୍ତ୍ରୀ ।

କଟକରୁ ନାରାୟଣ ସାହୁ, ଇଟିଭି ଭାରତ