କଟକ: ଆଜିଠାରୁ ଆରମ୍ଭ ହୋଇଛି ଦଶହରା ପର୍ବ। ସମସ୍ତ ମଣ୍ଡପରେ କୋଭିଡ଼ ନିୟମ ମାନି ପୂଜା କରାଯାଉଛି । ବିଶେଷକରି ବିନା ଭକ୍ତରେ ମା'ଙ୍କ ପୂଜା କରାଯାଉଛି । ସରକାରଙ୍କ ନିର୍ଦ୍ଦେଶକୁ ପାଳନ କରି ଚଳିତବର୍ଷ ଦଶହରା ପର୍ବ ପାଳନ କରାଯାଉଛି । ତେବେ ସରକାର ପୂଜା କମିଟିକୁ ସାହାଯ୍ୟ କରୁନଥିବା ଅଭିଯୋଗ ହୋଇଛି ।
ପାର୍ବଣରେ ଅପରିଷ୍କାର ରାସ୍ତାଘାଟ, ସରକାରଙ୍କ ଉପରେ ବର୍ଷିଲେ ପୂଜା କମିଟି ସଦସ୍ୟ
ଏପରିକି ପୂଜା ପୂର୍ବରୁ ସହରରେ ଥିବା ମଣ୍ଡପ ପାଖରେ ଠିକ ଭାବରେ ସଫେଇ କରାଯାଉନଥିବା ଅଭିଯୋଗ କରିଛନ୍ତି କଟକ ଶାନ୍ତି କମିଟିର କାର୍ଯ୍ୟକାରୀ ସଭାପତି ବିଜୟ କୁମାର ଦାଶ । ସରକାରଙ୍କ ପକ୍ଷରୁ କୌଣସି ସହାୟତା କରାଯାଉନାହିଁ । ସରକାରଙ୍କ ସମସ୍ତ ନିୟମ ମାନି ସରକାରଙ୍କୁ ପୂଜା କମିମାନେ ସାହାଯ୍ୟ କରିଥିବାବେଳେ ସରକାର ଅସହଯୋଗ କରିଛନ୍ତି ବୋଲି ସେମାନେ ଅଭିଯୋଗ କରିଛନ୍ତି ।