କଟକ: ନନ୍ଦୋତ୍ସବଠାରୁ କଟକ ସହରରେ ପ୍ରବେଶ କରିଛି ପାର୍ବଣ ଋତୁ । କାରଣ ନନ୍ଦୋତ୍ସବଠାରୁ ହିଁ ମା’ଙ୍କ ମୃଣ୍ମୟୀ ମୂର୍ତି ତିଆରି ପାଇଁ ସଂଗୃହିତ ହୋଇଥାଏ । ଏହି କ୍ରମରେ ଶନିବାର ସକାଳୁ ସକାଳୁ କଟକ ସହରର ପୂଜା ମଣ୍ଡପର କର୍ମକର୍ତ୍ତା ସଂକୀର୍ତ୍ତନ କରି ମଣ୍ଡପରୁ ବାହାରି ଥିଲେ । ଏହାପରେ କାଠଯୋଡି ଓ ମହାନଦୀରେ ବିଭିନ୍ନ ଘାଟରେ ଯଥା ବିଧି, ପୂଜାର୍ଚ୍ଚନା ପରେ ନଦୀ ଗର୍ଭରୁ ମାଟି ସଂଗ୍ରହ ହୋଇଥିଲା । ଏହି ମାଟି ମଣ୍ଡପରେ ପହଞ୍ଚିବା ପରେ ଆରମ୍ଭ ହେବ ମା’ଙ୍କ ମୃଣ୍ମୟୀ ମୂର୍ତି ନିର୍ମାଣ କାର୍ଯ୍ୟ ।
ଦୁର୍ଗା ପୂଜା ପାଇଁ ଆରମ୍ଭ ହେଲା ପ୍ରକ୍ରିୟା
ଏହି ମୃତ୍ତିକା ସଂଗ୍ରହ ପରେ ଆଜି (ଶନିବାର) କଟକ ସହରରେ ଦୁର୍ଗାପୂଜା ପ୍ରସ୍ତୁତି ଆରମ୍ଭ ହୋଇଯାଇଛି । ପୂଜାକୁ ଆକର୍ଷଣୀୟ କରିବା ପାଇଁ ବିଭିନ୍ନ ପୂଜା ମଣ୍ଡପ ପକ୍ଷରୁ ସ୍ବତନ୍ତ୍ର ଯୋଜନା ପ୍ରସ୍ତୁତ କରାଯାଉଛି ।