କଟକ: କନଷ୍ଟେବଳଙ୍କ ବନ୍ଧୁକରୁ ଗୁଳି ଫୁଟି ଜଣେ ଆହତ । ଏହି ମାମଲାରେ ସମ୍ପୃକ୍ତ କନଷ୍ଟେବଳଙ୍କ ସମେତ ୫ ଜଣଙ୍କୁ ଗିରଫ କରାଯାଇଛି । କଟକ କଲେଜ ଛକ ନିକଟରେ ଥିବା ଏକ ହୋଟେଲରେ ଘଟିଥିବା ଏଭଳି ଏକ ଘଟଣା ସମଗ୍ର ସହରରେ ଚଞ୍ଚଲ୍ୟ ସୃଷ୍ଟି କରିଛି ।
ସୂଚନା ମୁତାବକ କାର୍ଯ୍ୟରତ ଜଣେ କନଷ୍ଟେବଳ ମଙ୍ଗଳବାର ଦିନ ରାତିରେ ନିଜର 3 ଜଣ ବନ୍ଧୁଙ୍କ ସହିତ କଟକ କଲେଜ ଛକ ଆସିଥିଲେ । ଏକ ହୋଟେଲ ମଧ୍ୟରେ କନଷ୍ଟେବଳ ସମେତ ତାଙ୍କ ୩ ବନ୍ଧୁ ଖୁସି ମନାଉ ଥିଲେ । ଏହି ସମୟରେ କନେଷ୍ଟବଳ ଜଣକ ନିଜ ପାଖରେ ଥିବା ବନ୍ଧୁକ ଟିକୁ ହାତରେ ଧରି ଥିବା ସମୟରେ ସେଥିରୁ 2ଟି ଗୁଳି ଫୁଟି କେ ସୁନୀଲ ନାମକ ଜଣେ ବ୍ୟକ୍ତିଙ୍କ ଦେହରେ ବାଜିଥିଲା । ସୁନୀଲ ଗୁଳି ମାଡରେ ଆହତ ହୋଇ SCBରେ ଭର୍ତ୍ତି ହୋଇଥିବା ବେଳେ ଏହି ମାମଲାକୁ ଚାପିବା ପାଇଁ ଉଦ୍ୟମ ହୋଇଥିଲା । ତେବେ ସୁନୀଲଙ୍କ ପରିବାର ଲୋକ ମାଲଗୋଦାମ ଥାନାରେ ଏତଲା ଦେବାପରେ ପୋଲିସ ଏହାର ତଦନ୍ତ କରି ୫ ଜଣଙ୍କୁ ଗିରଫ କରିଛି । ତେବେ କେଉଁ ପରିସ୍ଥିତିରେ ଅଭିଯୁକ୍ତଙ୍କ ରିଭଲଭଲରୁ ଗୁଳି ଫୁଟିଛି,ତାହା ଏପର୍ଯ୍ୟନ୍ତ ଜଣାପଡିନାହିଁ। ଏନେଇ ପୋଲିସ ଘଟଣାର ତଦନ୍ତ ଜାରି ରଖିଛି।
କଟକରୁ ନାରାୟଣ ସାହୁ, ଇଟିଭି ଭାରତ