କଟକ:ରାଉରକେଲା ମ୍ୟୁନସିପାଲଟିର ନିର୍ବାଚନ କରାଇବାକୁ ଆବେଦନ କରି ରୁଜ୍ଜୁ ମାମଲାରେ ରାଜ୍ୟ ନିର୍ବାଚନ କମିଶନ ଓ ରାଜ୍ୟ ସରକାରଙ୍କୁ ନୋଟିସ ଜାରି କରିଛନ୍ତି ହାଇକୋର୍ଟ । ରାଉରକେଲାରେ ନିର୍ବାଚନ କାହିଁକି ନହେବ । ସେ ସମ୍ପର୍କରେ ଜଣାଇବାକୁ ରାଜ୍ୟ ନିର୍ବାଚନ ଆୟୋଗଙ୍କୁ କୈଫତ ତଲବ କରିଛନ୍ତି ହାଇକୋର୍ଟ । ରାଜ୍ୟ ସରକାରଙ୍କୁ ମଧ୍ୟ ଏ ସମ୍ପର୍କରେ ତଥ୍ୟ ରଖିବାକୁ ନୋଟିସ ଜାରି କରିଛନ୍ତି।
Rourkela Municipal Election: ସରକାର ଓ ନିର୍ବାଚନ କମିଶନଙ୍କୁ ହାଇକୋର୍ଟଙ୍କ ଜବାବ ତଲବ
୨୦୧୩ ପରଠାରୁ ରାଉରକେଲାରେ ହୋଇ ନାହିଁ ପୌର ନିର୍ବାଚନ । ଶେଷ ଥର ପାଇଁ ୨୦୦୮ ମସିହାରେ ନିର୍ବାଚନ ହୋଇଥିବା ବେଳେ ଏହି ଟର୍ମ ୨୦୧୩ରେ ଶେଷ ହୋଇଥିଲା। ୨୦୧୪ ମସିହାରେ ରାଜ୍ୟ ସରକାର ରାଉରକେଲା ମ୍ୟୁନିସପାଲିଟକୁ ରାଉରକେଲା ମହାନଗର ନିଗମରେ ପରିଣତ କରି ଥିଲେ। ମହାନଗର ନିଗମ ପାଇଁ ୩ ଲକ୍ଷ ଜନସଂଖ୍ୟା ଆବଶ୍ୟକତା ଦରକାର ପଡିଥିଲା। ତେଣୁ ମ୍ୟୁନିସପାଲିଟିର ୩୩ଟି ୱାର୍ଡ ସହ ଆଖ ପାଖ ପଞ୍ଚାୟତକୁ ମିଶ୍ରଣ କରାଯାଇ ଥିଲା।