କଟକ: ଭାରତ ସରକାରଙ୍କ ସୂକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗ ମନ୍ତ୍ରଣାଳୟ (ଏମଏସଏମଇ) ଏବଂ ଓଡିଶା ସୂକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗର (ଏମଏସଏମଇ) ମିଳିତ ଆନୁକୂଲ୍ୟରେ ବାଲିଯାତ୍ରା ପଡ଼ିଆରେ ଅନୁଷ୍ଠିତ ହେବ 'ଉଦ୍ୟମ ସମାଗମ' । ଏହା ଚଳିତ ମାସ 26 ରେ ଆରମ୍ଭ ହୋଇ 27ରେ ଶେଷ ହେବ । ପ୍ରାୟ ଦୁଇ ଦିନ ଧରି ଏହା ଅନୁଷ୍ଠିତ ହେବ । ଯାହା ଦ୍ୱରା ଲାଭାନ୍ୱିତ ହେବେ ରାଜ୍ୟର କ୍ଷୁଦ୍ର ଉଦ୍ୟୋଗୀ।
ଏହି ସମାଗମରେ ରାଜ୍ୟରେ ଶିଳ୍ପର ଅଭିବୃଦ୍ଧି, ଅଭିନବକରଣ, ବଜାର ସଂଯୋଗୀକରଣ, ବୈଷୟିକ କୌଶଳ ପ୍ରଦର୍ଶନ ପ୍ରକ୍ରିୟା ଉପରେ ଗୁରୁତ୍ବାରୋପ କରାଯିବ । ଏହାସହିତ ସ୍ଥାୟୀ ଓ ଭାଗୀ ଉଦ୍ୟୋଗୀ ଏହାର ଆଧାର ସହ ସରକାରୀ ମାର୍କେଟିଙ୍ଗ ପାଇଁ ସିଧାସଳଖ ପଞ୍ଜିକରଣ କରାଇପାରିବେ। ଯାହ ଫଳରେ କ୍ଷୁଦ୍ର ଓ ସୂକ୍ଷ୍ମ ଶିଳ୍ପର ସମୃଦ୍ଧି ଓ ବିକାଶ ହୋଇପାରିବ ।