କଟକ: ଚିନ୍ତା ବଢ଼ାଉଛି ସାଇକୋ କିଲର । କେବେ ଗିରଫ ହେବ ସେହି ଅପରାଧି । ଯାହାକୁ ନେଇ ସହରବାସୀଙ୍କ ହଜିଛି ନିଦ । ତେବେ ଅପରାଧିକୁ ଶୀଘ୍ର ଗିରଫ କରିବା ନେଇ ପୋଲିସ କମିଶନର ସତ୍ୟଜିତ ମହାନ୍ତି ଓ ଡିସିପି ଅଖିଳେଶ୍ବର ସିଂଙ୍କୁ ଭେଟିଛନ୍ତି ଚୌଦ୍ୱାର ବିଧାୟକ ସୌଭିକ ବିଶ୍ୱାଳ ।
ସିରିଜ ମର୍ଡର ପରେ କଟକର ଗଳିକନ୍ଦିରେ ପଇଁତରା ମାରୁଛି କମିଶନରେଟ ପୋଲିସ । ଯାହା ଉପରେ ବି ସନ୍ଦେହ ହେଉଛି ତାକୁ ଅଟକ ରଖି ପଚରାଉଚରା ଜାରି ରଖିଛି । ତେବେ କମିଶନରେଟ ପୋଲିସର ଏପରି ସୁରକ୍ଷାକୁ ଧନ୍ୟବାଦ ଜଣାଇବା ସହ ଅପରାଧିକୁ ଶୀଘ୍ର ଗିରଫ କରି ସହରରେ ଶାନ୍ତି ଫେରାଇ ଆଣିବାକୁ ପୋଲିସ କମିଶନର ଓ ଡିସିପିଙ୍କ ସହ ଆଲୋଚନା କରିଛନ୍ତି ସୌଭିକ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
