ଯାତ୍ରା ଦେଖି ଯାଇଥିବା ନାବାଳିକାକୁ ଦୁଷ୍କର୍ମ ଅଭିଯୋଗ

ନେମାଳ ଥାନା ଅଞ୍ଚଳରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ । ଆଜି ପୀଡିତାଙ୍କୁ ସକାଳେ ଆହତ ଅବସ୍ଥାରେ ଉଦ୍ଧାର କରାଯାଇ ନିଶ୍ଚିନ୍ତକୋଇଲି ମେଡିକାଲରେ ଭର୍ତ୍ତି କରାଯାଇଛି ।

କଟକ:ସାଲେପୁର ନେମାଳ ଥାନା ଅଞ୍ଚଳରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ । ଗୁରୁବାର ଗାଁ ନିକଟରେ ଯାତ୍ରା ଦେଖିବାକୁ ଆସି ନିଖୋଜ ଥିଲା ନାବାଳିକା । ଆଜି ସକାଳେ ଆହତ ଅବସ୍ଥାରେ ତାକୁ ଉଦ୍ଧାର କରାଯାଇ ନିଶ୍ଚିନ୍ତକୋଇଲି ମେଡିକାଲରେ ଭର୍ତ୍ତି କରାଯାଇଛି ।

ଘଟଣାସ୍ଥଳରେ ସାଲେପୁର ଏସଡିପିଓଙ୍କ ସହ ନିଶ୍ଚିନ୍ତକୋଇଲି ଓ ନେମାଳ ଥାନା ଆଇଆଇସି ପହଞ୍ଚି ଛାନଭିନ ଜାରି ରଖିଛନ୍ତି । ତେବେ ଏହି ସଂକ୍ରାନ୍ତରେ କଟକ ଗ୍ରାମାଞ୍ଚଳ ଏସପି ରଖିଛନ୍ତି ପ୍ରତିକ୍ରିୟା । ଅଭିଯୁକ୍ତ ଚିହ୍ନଟ ହୋଇସାରିଛି । ଖୁବଶୀଘ୍ର ତାକୁ ଗିରଫ କରାଯିବ। ନାବାଳିକାର ସ୍ବାସ୍ଥ୍ୟବସ୍ଥା ଠିକ ଅଛି ବୋଲି କହିଛନ୍ତି ଏସପି ରାଧାବିନୋଦ ପାଣିଗ୍ରାହୀ।

କଟକରୁ ପ୍ରଭୁକଲ୍ୟାଣ ପାଲ,ଇଟିଭି ଭାରତ