କଟକ:ରବିବାର ଥିଲାବିଶ୍ବ ପରିବେଶ ଦିବସ । ପ୍ରକୃତି କୋଳରେ ଶୋଭା ପାଉଥିବା ପ୍ରତିଟି ଜୀବଜନ୍ତୁ ଓ ବୃକ୍ଷର ସଂରକ୍ଷଣ ତଥା ବଂଶବୃଦ୍ଧି ପାଇଁ ଚାଲିଛି ପ୍ରୟାସ । ଏହି କ୍ରମରେ ଖୋର୍ଦ୍ଧାର ମଙ୍ଗଳାଯୋଡି ଉପରେ ପ୍ରସ୍ତୁତ ପୁସ୍ତକ 'ଦ ମ୍ୟାଜିକ ଅଫ ମଙ୍ଗଳାଯୋଡି' ଉପରେ କଟକରେ ଆୟୋଜିତ ହୋଇଛି ଏକ ସଚେତନତା କାର୍ଯ୍ୟକ୍ରମ । ଗତ ଏପ୍ରିଲ ୨୧ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ପୁସ୍ତକକୁ ଉଦଘାଟନ କରିବା ପରେ ସାରା ଦେଶରେ ଏ ନେଇ ସଚେତନତା ସୃଷ୍ଟି କରାଯାଉଛି । ବିରଳ ତଥା ସୁନ୍ଦର ପଷୀଙ୍କ ଜୀବନ ରକ୍ଷା ସହିତ ମଙ୍ଗଳାଯୋଡିର ଆକର୍ଷଣ ବଢାଇବା ପାଇଁ ସ୍ଥାନୀୟ ଶୀକାରୀମାନେ ଶିକାର ବନ୍ଦ କରି ତାର ରକ୍ଷଣାବେକ୍ଷଣ ଦାୟିତ୍ୱ ନେଇଛନ୍ତି ।
ପରେ ଦୁଇ ବର୍ଷ ହେବ 'ସଙ୍ଗ ଅଫ ଦ ୱାଇଲ୍ଡ' ନାମକ ସଂସ୍ଥା ମଙ୍ଗଳଯୋଡି ଉପରେ ଏକ ସୁନ୍ଦର ଫଟୋ ପୁସ୍ତକ ପ୍ରସ୍ତୁତ କରିଥିଲେ । ଏବେ ବିଶ୍ବ ପରିବେଶ ଦିବସ ଅବସରରେ ଏହି ପୁସ୍ତକ ଓ ମଙ୍ଗଳାଯୋଡିର ଆକର୍ଷଣ ଉପରେ ବୁଦ୍ଧିଜୀବୀ,ପରିବେଶବିତ ଓ ସମାଜସେବୀଙ୍କୁ ନେଇ ଆୟୋଜିତ ହୋଇଛି ସଚେତନତା କାର୍ଯ୍ୟକ୍ରମ ।