କଟକ: ଦୀର୍ଘ ଦିନ ଲୁଚକାଳି ଖେଳ ପରେ ପୋଲିସ ହ୍ୟାଣ୍ଡକପରେ ଏବେ କୁଖ୍ୟାତ ମଦ ମାଫିଆ । 146 ଆଇଡି ଲିକର ଚାଲାଣ ସମୟରେ ପୋଲିସ କରିଥିଲା ଚଢ଼ାଉ । ଏହି କାର୍ଟୁନ ମଧ୍ୟରେ ଥିଲା 3650 ମଦ ବୋତଲ । ଯାହାର ଦାମ ପ୍ରାୟ 2.55 ଲକ୍ଷରୁ ଉର୍ଦ୍ଧ୍ବ ବୋଲି ଆକଳନ କରିଛି ପୋଲିସ।
ଦୀର୍ଘଦିନ ହେବ ଅଭିଯୁକ୍ତ ବାବୁକୁ ଗିରଫ କରିବା ନେଇ ପୋଲିସ ପକ୍ଷରୁ ଜାରି ରହିଥିଲା ବ୍ଲୁ ପ୍ରିଣ୍ଟ । ପରିଶେଷରେ ପୋଲିସ ହାତରେ ଧରାପଡିଛି ବାବୁ। ଏନେଇ ଆଜି (ରବିବାର) ତାଙ୍କୁ କୋର୍ଟ ଚାଲାଣ କରାଯାଇଛି। ସେ ଜିଲ୍ଲା ବାହାରକୁ ମଧ୍ୟ ଚାଲଣ କରିଥିଲା ମଦ। ଯାହାଦ୍ୱାରା ତା' ନାଁରେ ପୂର୍ବରୁ ଚାଉଳିଆଗଞ୍ଜ ଥାନାରେ 16 ଟି ମାମଲା ରହିଛି । ସେ ଉକ୍ତ ଅଞ୍ଚଳରେ ଅନ୍ୟ ଅପରାଧ ସହ ଜଡିତ ରହିଥିବା ସୂଚନା ଦେଇଛି ପୋଲିସ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
