କଟକ:ଓଲଟିଲା କିରୋସିନ ବୋଝେଇ ଟ୍ୟାଙ୍କର । କିରୋସିନ ନେବାକୁ ଟ୍ୟାଙ୍କର ନିକଟରେ ଲାଗିଲା ଲୋକଙ୍କ ଭିଡ । ଯିଏ ଯେଉଁଥିରେ ପାରିଲା ସିଏ ସେଇଥିରେ ବୋହିଚାଲିଲା । ଏଭଳି ଦୃଶ୍ୟ ଦେଖିବାକୁ ମିଳିଛି ପୁରୁଣା କଟକ ସମ୍ବଲପୁର ରାସ୍ତାର ଝାଜିଆ ଛକ ନିକଟରେ ।
ମିଳିଥିବା ସୂଚନା ଅନୁଯାୟୀ ଗତକାଲି ଏକ କିରୋସିନ ବୋଝେଇ ଟ୍ୟାଙ୍କର ଓଲଟି ପଡିବାରୁ ଏଥିରେ ଡ୍ରାଇଭର ଓ ହେଲପର ଟ୍ୟାଙ୍କର ତଳେ ଚାପି ହୋଇଯାଇଥିଲେ । ଏନେଇ ଖବର ପାଇ ଘଟଣାସ୍ଥଳରେ ପୋଲସି ପହଞ୍ଚି ଉଭୟଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ଏହାପରେ ଟ୍ୟାଙ୍କରଟି ଓଲଟିବା ଦେଖି କରୋସିନ ନେବାକୁ ସ୍ଥାନୀୟ ଲୋକଙ୍କ ଭିଡ ଜମିଥିଲା । ତେବେ ଟ୍ୟାଙ୍କରରେ ଆସିଥିବା କିରୋସିନ ସାଧାରଣ ବଣ୍ଟନ ପାଇଁ ଆସିଥିବା ବେଳେ ଏହା କେଉଁ ସ୍ଥାନକୁ ଯାଉଥିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ