କଟକ: ଅନଲକ 3 ଜାରି ହେବା ପରେ ଆଜିଠୁ ଖୋଲିଛି ଜିମ । ଦୀର୍ଘ ପାଞ୍ଚ ମାସ ଧରି ବନ୍ଦ ପଡିଥିବା ଏହି ଅନୁଷ୍ଠାନ ପୁଣିଥରେ ଖୋଲାଯାଇଛି । ମହାମାରୀ କୋରୋନା ଯୋଗୁଁ ଖାଁ ଖାଁ ରହିଥିଲା ଜିମ ।
ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଅନଲକ 3 ଗାଇଡ଼ଲାଇନ ଅନୁସାରେ ଜିମ ଖୋଲାଯାଇଛି । ତେବେ ଜିମରେ ଝାଳକୁ ନେଇ ଯେଉଁ ଚିନ୍ତା ରହିଥିଲା, ତାହା ଦୂର ହୋଇଛି । ସମସ୍ତ ପ୍ରକାରର କୋରୋନା କଟକଣାକୁ ପାଳନ କରି ଜିମ ଚଲାଇବା ପାଇଁ ଜିମ ମାଲିକମାନେ ନିଷ୍ପତ୍ତି ନେଇଛନ୍ତି । ଜିମକୁ ଆସୁଥିବା ଲୋକମାନଙ୍କର ସ୍କ୍ରିନିଂ ସହିତ ଟେମ୍ପ୍ରେଚର ମପାଯିବ । ଏହା ସହିତ ସାନିଟାଇଜ ଓ ସାମାଜିକ ଦୂରତା ଉପରେ ମୁଖ୍ୟ ଦୃଷ୍ଟି ଦିଆଯିବା ବୋଲି ଜିମ ମାଲିକ କହିଛନ୍ତି । ପ୍ରତି ଏକ ଘଣ୍ଟାପରେ ଜିମକୁ ସାନିଟାଇଜ କରାଯିବ । ଜିମରେ ସମସ୍ତ ପ୍ରକାରର କୋରୋନା ନିୟମକୁ କଡାକଡି ଭାବେ ପାଳନ କରିବା ପାଇଁ ଜିମ ମାଲିକ କହିଛନ୍ତି ।
ଖୋଲିଲା ଜିମ, ଅନଲକ 3 ଗାଇଡଲାଇନକୁ ଫୋକସ