କଟକରେ ପୁଣି ଲେଉଟିଲା ଡେଙ୍ଗୁ, ବଢୁଛି ରୋଗୀ ସଂଖ୍ୟା

କଟକରେ ବଢୁଛି ରୋଗୀ ସଂଖ୍ୟା । ଗତ କିଛି ଦିନ ଧରି ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇଥିଲେ ବର୍ତ୍ତମାନ ପୁଣି ଏହାର ପୁନରାବୃତ୍ତି ଘଟିଛି ।

କଟକ: ଗତ କିଛି ଦିନ ଧରି ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇଥିଲେ ବି ଏବେ ଏହି ସଂଖ୍ୟା ବଢିବାରେ ଲାଗିଛି । 2 ଦିନ ପୂର୍ବରୁ କଟକ ବଡ଼ ମେଡିକଲରେ ୧୦୧ ଜଣ ଡେଙ୍ଗୁ ରୋଗୀ ଚିକିତ୍ସିତ ହେଉଥିଲା ବେଳେ ୬ ଜଣ ଗୁରୁତର ଭାବେ ଆଇସିୟୁରେ ଭର୍ତ୍ତି ହୋଇଛନ୍ତି ।

ସେହିପରି ଗତ ବୁଧବାର ଦିନ ଏସସିବିରେ ୧୫୫ ଟି ରକ୍ତ ନମୁନା ପରୀକ୍ଷା କରାଯାଇଥିବା ବେଳେ 34 ଟି ଡେଙ୍ଗୁ ପଜେଟିଭ ଥିବା ଜଣା ପଡିଥିଲା। ସେଥିରେ କଟକରେ ସର୍ବାଧିକ ୭ ଜଣ ଡେଙ୍ଗୁ ରୋଗୀ ଥିଲେ।

ସେହିପରି ଆଜି ଏସସିବିରେ ୭୫ ଜଣ ଡେଙ୍ଗୁ ରୋଗୀ ଚିକିତ୍ସିତ ହେଉଥିବା ବେଳେ ୪ ଡେଙ୍ଗୁରୋଗୀ ଆଇସିୟୁରେ ଅଛନ୍ତି । ସେହିପରି ଆଜି ୧୧୬ ଟି ରକ୍ତ ନମୁନା ପରୀକ୍ଷା କରାଯାଇଥିବା ବେଳେ ୩୧ ଟି ପଜିଟିଭ ଥିବା ଜଣାପଡିଛି।

କଟକରୁ ନାରାୟଣ ସାହୁ,ଇଟିଭି ଭାରତ