ମାର୍ଚ୍ଚ ୩୧ ପର୍ଯ୍ୟନ୍ତ ବନ୍ଦ ରହିବ ସମସ୍ତ ଖାଉଟି ଅଦାଲତ

କୋରୋନା ବିପଦକୁ ଟାଳିବା ପାଇଁ ରାଜ୍ୟ ସରକାରଙ୍କ କଟକଣା ଜାରି ରହିଛି । ସବୁଠି ଭିଡ କମାଇବାକୁ ଉଦ୍ୟମ କରୁଛନ୍ତି ସରକାର । ବର୍ତ୍ତମାନ ରାଜ୍ୟ ଖାଉଟି ବିବାଦ ସମାଧାନ କମିଶନ ସହ ଜିଲ୍ଲାର ସମସ୍ତ ଖାଉଟି ଅଦାଲତକୁ ମାର୍ଚ୍ଚ 31 ଯାଏ ବନ୍ଦ କରିବାକୁ ବିଜ୍ଞପ୍ତି ପ୍ରକାଶ ପାଇଛି।

କଟକ: କୋରୋନା ଭାଇରସ ବିପଦକୁ ଦୃଷ୍ଟିରେ ରଖି ଜାରି ରହିଛି କଟକଣା । ବିପଦକୁ ଟାଳିବା ପାଇଁ କଟକ ସ୍ଥିତ ରାଜ୍ୟ ଖାଉଟି ବିବାଦ ସମାଧାନ କମିଶନକୁ ବନ୍ଦ ଘୋଷଣା କରିଛନ୍ତି । ଏହାସହ ରାଜ୍ୟର ବିଭିନ୍ନ ଜିଲ୍ଲାରେ ଥିବା ଖାଉଟି ଅଦାଲତ ମାର୍ଚ୍ଚ 31 ଯାଏଁ ବନ୍ଦ ରହିବ । ଏନେଇ କମିଶନ କାର୍ଯ୍ୟାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।

ଆସନ୍ତା 31 ମାର୍ଚ୍ଚ ପର୍ଯ୍ୟନ୍ତ ଖାଉଟି କମିଶନରେ ସ୍ବାଭାବିକ କାର୍ଯ୍ୟ ହେବ ନାହିଁ । କିନ୍ତୁ କମିଶନଙ୍କ କାର୍ଯ୍ୟାଳୟ ଯଥା ସମ୍ଭବ କମ୍‌ କର୍ମଚାରୀଙ୍କୁ ନେଇ କାର୍ଯ୍ୟ କରିବେ। କେବଳ ଅତି ଜରୁରୀ ମାମଲା ଗୁଡିକ କମିଶନଙ୍କ ସଭାପତିଙ୍କ ନିକଟରେ ଉପସ୍ଥାପନା କରାଯିବ ।

କଟକରୁ ନାରାୟଣ ସାହୁ, ଇଟିଭି ଭାରତ