କଟକ: ଦୀର୍ଘ ଦିନର ଲୁଚକାଳି ଖେଳ ପରେ କମିଶନରେଟ୍ ପୋଲିସକୁ ମିଳିଛି ସଫଳତା । ପୋଲିସ ହାତରେ ଧରାପଡିଛନ୍ତି 3 ହାର୍ଡକୋର କ୍ରିମିନାଲ । ଚୋରି ଡ଼କାୟତିର ମାଷ୍ଟରମାଇଣ୍ଡ ଗୁଡୁ ଓରଫ କଳିଙ୍ଗ କେଶରୀ ପ୍ରଧାନ ଓ ତାର ଦୁଇ ସାଥୀଙ୍କୁ ଗିରଫ କରି କୋର୍ଟଚାଲାଣ କରିଛି ପୋଲିସ ।
କମିଶନରେଟ୍ ପୋଲିସ ହାତରେ 3 ହାର୍ଡକୋର କ୍ରିମିନାଲ, ମାରଣାସ୍ତ୍ର ଜବତ
ଡକାୟତି ଉଦ୍ୟମ ପାଇଁ ଯୋଜନା କରୁଥିବାବେଳେ 3 ଜଣ ଦୁର୍ଦ୍ଦାନ୍ତ ଅପରାଧିଙ୍କୁ ଧରିଛି କମିଶନରେଟ୍ ପୋଲିସ । ଏମାନଙ୍କ ଠାରୁ ବହୁ ମାରଣାସ୍ତ୍ର ଜବତ କରାଯାଇଛି ।
ଫଟୋ ସୌଜନ୍ୟ: ସମ୍ବାଦଦାତା, କଟକ
ସେମାନଙ୍କ ନିକଟରୁ ଗୋଟିଏ ବନ୍ଧୁକ, ୪ଟି ଅଫୁଟା ଗୁଳି, ଗୋଟିଏ ଖଣ୍ଡା, ୩ଟି ମୋବାଇଲଓ ୨ଟି ବାଇକ୍ ଜବତ କରିଛି ପୋଲିସ। ଗୁଡୁ ଓ ସାଥି ଚୌଦ୍ବାର ଥାନା ଅନ୍ତର୍ଗତ ବଧୀ ପଡିଆରେ ଡକାୟତି ପାଇଁ ଯୋଜନା କରୁଥିବାର ସୂଚନା ପାଇ ଅତର୍କିତ ଚଢ଼ାଉ କରିଥିଲା ପୋଲିସ । ହେଲେ ଘଟଣାସ୍ଥଳରୁ ୫ ଜଣଙ୍କ ମଧ୍ୟରୁ ୩ଜଣଙ୍କୁ କାବୁ କରାଯାଇଥିବାବେଳେ ଅନ୍ୟ ୨ଜଣ ଖସିଯିବାରେ ସକ୍ଷମ ହୋଇଥିଲେ। ଗିରଫ ୩ ଜଣ ହେଲେ କଳିଙ୍ଗ କେଶରୀ ପ୍ରଧାନ ଓରଫ (ଗୁଡୁ) ବନମାଳୀ ମହାରଣା (ବାନା )ଓ ଜିତେନ୍ଦ୍ର ନାୟକ (ଜିତୁ) ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ