ଜବତ ହେଲା ୮ଲକ୍ଷ ଟଙ୍କାର ଧଳା ଜହର, 2 ଗିରଫ

ସିଲଭରସିଟିରୁ ଜବତ ହେଲା ଧଳା ଜହର । ଏହି ମାମଲାରେ ୨ ଜଣ ବେପାରୀଙ୍କୁ ଗିରଫ କରିଛି କମିଶନରେଟ ପୋଲିସ । ଏହାସହ ସେମାନଙ୍କ ନିକଟରୁ ୮୦ ଗ୍ରାମର ବ୍ରାଉନସୁଗାର ଜବତ କରିଛି ଜଗତପୁର ଥାନା ପୋଲିସ । ଅଧିକ ପଢନ୍ତୁ...

କଟକ: ସିଲଭରସିଟିରୁ ଜବତ ହେଲା ଧଳା ଜହର । ଏହି ମାମଲାରେ ୨ ଜଣ ବେପାରୀଙ୍କୁ ଗିରଫ କରିଛି କମିଶନରେଟ ପୋଲିସ । ଏହାସହ ସେମାନଙ୍କ ନିକଟରୁ ୮୦ ଗ୍ରାମର ବ୍ରାଉନସୁଗାର ଜବତ କରିଛି ଜଗତପୁର ଥାନା ପୋଲିସ । ଯାହାର ଆନୁମାନିକ ମୂଲ୍ୟ ୮ଲକ୍ଷ ଟଙ୍କା ହେବ ।

ଏଥିସହିତ ୧୬ ଶହ ଟଙ୍କା, ୨ଟି ମୋବାଇଲ ଫୋନ୍ ଓ ଗୋଟିଏ ବାଇକ୍ ଜବତ୍ କରିଛି ପୋଲିସ । ସୂଚନା ଅନୁଯାୟୀ ଜଗତପୁର ଥାନା ପୋଲିସ ଜଗତପୁର ଖଇରା ବ୍ରିଜ ନିକଟରେ ଦୁଇଜଣ ବ୍ରାଉନ ସୁଗାର୍ ନେଇ ଯାଉଥିବା କୌଣସି ସୂତ୍ରରୁ ଖବର ପାଇଥିଲା ।

ଆଇଆଇସି ରବିନ୍ଦ୍ର ନାଥ ମେହେର ଖଇରା ବ୍ରିଜ ନିକଟରେ ପହଞ୍ଚି ସେମାନଙ୍କୁ ଧରିବାରେ ସଫଳ ହୋଇଥିଲେ । ଆଜି ଏହି ଦୁଇ ଜଣକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ