କଟକ: ହାଥରସ ଗଣଦୁଷ୍କର୍ମକାରୀଙ୍କୁ କଠୋର ଦଣ୍ଡ ଦେବା ଦାବି ନେଇ ଆଜି (ଗୁରୁବାର) କଟକରେ ଏଆଇଏମଏସଏସ ଓଡ଼ିଶା ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। ଦେଶରେ ଦିନକୁ ଦିନ ନାରୀମାନଙ୍କ ଉପରେ ଅତ୍ୟାଚାର ବୃଦ୍ଧି ପାଇବାରେ ଲାଗିଛି । କେଉଁଠି ଏକ ତରଫା ପ୍ରେମକୁ ନେଇ ନାରୀକୁ ଏସିଡ ଆକ୍ରମଣର ଶିକାର ହେବାକୁ ପଡ଼ୁଛି ତ କେଉଁଠି ନାରୀକୁ ହତ୍ୟା କରାଯାଉଛି । ଏହାସହ ଆଜିର ସମାଜରେ ମଧ୍ୟ ନାରୀ ଯୌତୁକ ନିର୍ଯାତନାର ଶିକାର ହେଉଛନ୍ତି । ଏହାର ପ୍ରତିବାଦ କରିଛି ସର୍ବଭାରତୀୟ ମହିଳା ସାଂସ୍କୃତିକ ସଂଗଠନ(AIMSS) ଓଡ଼ିଶା।
ନାରୀ ନିର୍ଯାତନା ବିରୋଧରେ ସର୍ବଭାରତୀୟ ମହିଳା ସାଂସ୍କୃତିକ ସଂଗଠନର ବିକ୍ଷୋଭ
ଏହି ସମସ୍ତ ସମସ୍ୟାର ମୂଳ କାରଣ ସାମାଜିକ ଗଣମାଧ୍ୟମରେ ବଢ଼ୁଥିବା ଅଶ୍ଲୀଳତା ଓ ମାଦକ ଦ୍ରବ୍ୟ ବୋଲି ଅଭିଯୋଗ କରିଛି କେନ୍ଦ୍ରୀୟ ମହିଳା ସଂଗଠନ। ଏହାସହ ହାଥରସ ଘଟଣା ସାରା ଦେଶରେ ଏବେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି । ଏହି ଘଟଣାରେ ସମ୍ପୃକ୍ତ ସମସ୍ତ ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛି ମହିଳା ସାଂସ୍କୃତିକ ସଂଗଠନ ।