ଶୈଳବାଳା ମହାବିଦ୍ୟାଳୟ ଜମି ଫେରାଇବା ଦାବିରେ ଆନ୍ଦୋଳନକୁ ଓହ୍ଲାଇଲେ କଲେଜ ଛାତ୍ରୀ

କଟକ ଚଣ୍ଡୀ ମନ୍ଦିର ସୌନ୍ଦର୍ଯ୍ୟକରଣ ପାଇଁ ଶୈଳବାଳା ମହିଳା ମହାବିଦ୍ୟାଳୟର କିଛି ଜମି ସାମିଲ ହେବା ପ୍ରସଙ୍ଗରେ ଆନ୍ଦୋଳନକୁ ଓହ୍ଲାଇଛନ୍ତି କଲେଜ ଛାତ୍ରୀ । ଅଧିକ ପଢ଼ନ୍ତୁ

କଟକ : କଟକ ଚଣ୍ଡୀ ମନ୍ଦିର ସୌନ୍ଦର୍ଯ୍ୟକରଣ ପାଇଁ ଶୈଳବାଳା ମହିଳା ମହାବିଦ୍ୟାଳୟର କିଛି ଜମି ସାମିଲ ହେବା ପ୍ରସଙ୍ଗରେ ଆନ୍ଦୋଳନକୁ ଓହ୍ଲାଇଛନ୍ତି କଲେଜ ଛାତ୍ରୀ । ଏହାକୁ ବିରୋଧ କରି କଲେଜ ଛାତ୍ରୀ, କଲେଜର ମୁଖ୍ୟ ଫାଟକ ବନ୍ଦ କରି କଲେଜ ସାମ୍ନାରେ ପ୍ରତିବାଦ କରିଥିଲେ । ଏଥିସହ ରାସ୍ତା ଉପରେ ଟାୟାର ଜାଳି ପ୍ରତିବାଦ କରିଥିଲେ ।

ତେବେ ଏନେଇ କୌଣସି ଛାତ୍ରୀ ପ୍ରତିକ୍ରିୟା ଦେଇନଥିବା ବେଳେ କଲେଜ ଅଧ୍ୟକ୍ଷା ପ୍ରତିକ୍ରିୟା ଦେଇଛନ୍ତି । ଛାତ୍ରୀମାନେ କଲେଜ କର୍ତ୍ତୃପକ୍ଷଙ୍କୁ କୌଣସି ଦାବିପତ୍ର ଦେଇନଥିଲେ । କିନ୍ତୁ ସରକାରଙ୍କ ନିଷ୍ପତ୍ତି ଅନୁଯାୟୀ କଲେଜର କିଛି ଜମି ମନ୍ଦିରର ସୌନ୍ଦର୍ଯ୍ୟକରଣ ପାଇଁ ଚାଲିଯିବ ।

ତେବେ ଏଥିରେ କୌଣସି ସମସ୍ୟା ନାହିଁ । ଛାତ୍ରୀ ମାନଙ୍କୁ ଏନେଇ ବୁଝାସୁଝା କରିବା ପରେ ଛାତ୍ରୀମାନେ ଆନ୍ଦୋଳନରୁ ଓହରିଛନ୍ତି । ତେବେ କଲେଜର ଉନ୍ନତି ପାଇଁ ସରକାର ଅନେକ କାର୍ଯ୍ୟକ୍ରମ କରିବେ ବୋଲି ଜିଲ୍ଲା ପ୍ରଶାସନ ପ୍ରତିଶୃତି ଦେଇଛି ।

ଇଟିଭି ଭାରତ, କଟକ