କଟକ: ଲଘୁଚାପ ବର୍ଷାରେ ବେହାଲ କଟକ ସହର। ସହରର ଅନେକ ସ୍ଥାନରେ ଆଣ୍ଠୁଏ ଉପରେ ପାଣି। ବର୍ଷାଜଳ ଠିକ ଭାବେ ନିଷ୍କାସିତ ହୋଇ ନ ପାରିବାରୁ ସହର ମଧ୍ୟରେ ବନ୍ୟାର ଭ୍ରମ ସୃଷ୍ଟି କରିଛି । ନିହାତି ଆବଶ୍ୟକ ନ ପଡିଲେ ଘରୁ ବାହାରୁ ନାହାନ୍ତି ସହର ବାସିନ୍ଦା।
ଭିଡିଓ ସୌଜନ୍ୟ:ସମ୍ବାଦଦାତା, କଟକ
ବିଶେଷ କରି କାଜିବଜାର, ରୋଭରଷ୍ଟ୍ରିଟ, ସୂତାହାଟ, ପଟାପୋଲ ଆଦି ଅଞ୍ଚଳରେ ବନ୍ୟା ପ୍ରାୟ ସ୍ଥିତି । ରାସ୍ତା ଉପରେ ପାଣି ଜମି ରହିଥିବାରୁ ଘରୁ ବାହାରିବା ମୁସ୍କିଲ ହୋଇପଡିଛି। ତେଣୁ ନିହାତି ଆବଶ୍ୟକ ନ ପଡିଲେ ଘରୁ ବାହାରୁ ନାହାନ୍ତି ଅଞ୍ଚଳବାସୀ । ତେବେ ପରିସ୍ଥିତି ଏମିତି ଯେ ସୋମବାର ସ୍କୁଲ ପିଲାଙ୍କୁ ସ୍କୁଲକୁ ଛାଡି ନାହାନ୍ତି ଅଭିଭାବକ। ତେବେ ପ୍ରତି ବର୍ଷାରେ ଏଭଳି ସମସ୍ୟା ଦେଖାଯାଉଥିବା ବେଳେ ସମସ୍ୟା ସମାଧାନ କରିବାକୁ ଦାବି କରିଛନ୍ତି ସହରବାସୀ।