ରଥଯାତ୍ରା ପାଇଁ ପୁରୀକୁ ଗଡିବ 200 ସ୍ବତନ୍ତ୍ର ବସ୍‌, ଯାତ୍ରୀଙ୍କୁ ମିଳିବ ଖାଦ୍ୟ

ଆସନ୍ତା 4 ତାରିଖରେ ପବିତ୍ର ଘୋଷଯାତ୍ରା । ଲକ୍ଷ ଲକ୍ଷ ଭକ୍ତ ପୁରୀ ଅଭିମୁଖେ ଯାତ୍ରା କରିବେ। ଶ୍ରଦ୍ଧାଳୁଙ୍କ ସୁବିଧାକୁ ଦୃଷ୍ଟିରେ ରଖି ରାଜ୍ୟ ଘରୋଇ ବସ ମାଲିକ ସଂଘ ପକ୍ଷରୁ 2 ଶହ ସ୍ୱତନ୍ତ୍ର ବସର ବ୍ୟବସ୍ଥା କରାଯାଇଛି।

କଟକ: ପବିତ୍ର ରଥଯାତ୍ରା ପାଇଁ ପୁରୀକୁ ଗଡିବ 200ଟି ସ୍ବତନ୍ତ୍ର ବସ୍ । ରଥଯାତ୍ରା ପାଇଁ ପୁରୀକୁ ଲକ୍ଷାଧିକ ଶ୍ରଦ୍ଧାଳୁଙ୍କ ଆଗମନକୁ ଦୃଷ୍ଟିରେ ଏଭଳି ପଦକ୍ଷେପ ନେଇଛି ରାଜ୍ୟ ଘରୋଇ ବସ୍ ମାଲିକ ସଂଘ । ମଙ୍ଗଳବାର ସନ୍ଧ୍ୟାରୁ ଏହି ସେବା ଉପଲବ୍ଧ ଆରମ୍ଭ ହୋଇଛି ।

ରଥଯାତ୍ରା ଠାରୁ ବାହୁଡା ଯାତ୍ରା ପର୍ଯ୍ୟନ୍ତ ଯାତ୍ରୀଙ୍କୁ ଏହି ସୁବିଧା ଯୋଗାଇ ଦିଆଯିବ । ଯାତ୍ରୀଙ୍କ ସୁବିଧା ପାଇଁ ତାଳ ବଣିଆ ଠାରେ ଆଶ୍ରୟସ୍ଥଳୀର ବ୍ୟବସ୍ଥା କରାଯାଇଛି। ଯାତ୍ରୀମାନେ ସେଠାରେ ବିଶ୍ରାମ ନେଇପାରିବେ । କେବଳ ସେତିକି ନୁହେଁ, ଯାତ୍ରୀଙ୍କ ପାଇଁ ମାତ୍ର ୧୦ ଟଙ୍କାରେ ଖାଦ୍ୟ ଯୋଗାଇ ଦିଆଯିବ ବୋଲି କହିଛି ରାଜ୍ୟ ବସ ମାଲିକ ସଂଘ ।

ସେହିପରି ଦିବ୍ୟାଙ୍ଗଙ୍କ ପାଇଁ ବ୍ୟାଟେରୀ ଚାଳିତ ଗାଡିର ସୁବିଧା କରାଯାଇଛି । ଏହାଦ୍ୱାରା ବସ ଷ୍ଟାଣ୍ଡରୁ ବଡ଼ଦାଣ୍ଡ ପର୍ଯ୍ୟନ୍ତ ସୁବିଧାରେ ସେମାନେ ଯାତ୍ରା କରିପାରିବେ । ସେହିପରି ବସଷ୍ଟାଣ୍ଡମାନଙ୍କରେ ଟୋଲ ନମ୍ବରର ବ୍ୟବସ୍ଥା କରାଯାଇଛି । କୌଣସି ଅସୁବିଧା ଥିଲେ ଏହି ଟୋଲ ଫ୍ରି ନମ୍ବରର ସାହାଯ୍ୟ ନେଇପାରିବେ ଯାତ୍ରୀ ।

କଟକରୁ ନାରାୟଣ ସାହୁ, ଇଟିଭି ଭାରତ