କଟକ: ଲାଗିରହିଛି ନେତାଙ୍କ ଦଳବଦଳ କାର୍ଯ୍ୟକ୍ରମ । 2019 ସାଧାରଣ ନିର୍ବାଚନ ଯେତିକି ପାଖେଇ ଆସୁଛି ସେଇ ଅନୁସାରେ ନେତା ମାନେ ମଧ୍ୟ ଅନ୍ୟଦଳକୁ ଡେଉଁଛନ୍ତି । ଏହି କ୍ରମେ ଆଜି କଟକ ବାରବାଟୀ ନିର୍ବାଚନ ମଣ୍ଡଳୀର ଶତାଧିକ କଂଗ୍ରେସ କର୍ମୀ ବିଜେଡିରେ ମିଶିଛନ୍ତି । ଦେବାଶିଷ ସାମନ୍ତରାୟଙ୍କ ଉପସ୍ଥିତିରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଛି ।
ଏହି ମିଶ୍ରଣରେ ବିଜେଡି ଆହୁରି ସଂଗଠିତ ହେବ ବୋଲି କହିଛନ୍ତି ବାରବାଟୀ ବିଧାୟକ ପ୍ରାର୍ଥୀ ଦେବାଶିଷ ସାମନ୍ତରାୟ । କାରଣ ପୂର୍ବ 2014 ସାଧାରଣ ନିର୍ବାଚନରେ ବିଜେଡି ଓ କଂଗ୍ରେସ ମଧ୍ୟରେ କଡା ମୁକାବିଲା ହୋଇଥିଲା । କଂଗ୍ରେସର ମହମ୍ମଦ ମୁକିମ ଅଳ୍ପ ବ୍ୟବଧାନରେ ଦେବାଶିଷଙ୍କ ଠାରୁ ପରାଜୟ ହୋଇଥିଲେ। ଏହି ମିଶ୍ରଣ ପର୍ବରେ ଝୋଲା ସାହି, ପିଠାପୁର ଅଞ୍ଚଳର କଂଗ୍ରେସ କର୍ମୀ ବିଜେଡିରେ ସାମିଲ ହୋଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ